2022-10-13 [07:43 AM]

پاڵەوانێتی PMPL ڕۆژهەڵاتی ناوەڕاست و ئەفریقای 2022 بۆ وەرزی پاییز (2022 PMPL MEA) بە فەرمی لە 20ی تشرینی یەکەم دەستپێدەکات و بۆ ماوەی چوار ڕۆژ لەسەریەک بەردەوام دەبێت لە یارییە سەرنجڕاکێشەکان و شەڕی گەرم. 16 تیپ لە سەرانسەری ڕۆژهەڵاتی ناوەڕاست و ئەفریقا کێبڕکێ دەکەن بۆ بەدەستهێنانی پشکی شێر لە کۆی خەڵاتەکانی 150 هەزار دۆلار.
سێ تیپی سەرەکی براوەی پاڵەوانێتی PMPL ڕۆژهەڵاتی ناوەڕاست و ئەفریقای 2022 بۆ وەرزی پایز چانسی بردنەوەی بلیتیان دەبێت بۆ سەرکەوتن بۆ پاڵەوانێتی جیهانی PMGC - گەورەترین و گرنگترین پێشبڕکێ - کە لە کۆتایی ئەمساڵدا بەڕێوەدەچێت . ئەو یاریزانانەی نازناوی باشتیرن یاریزانیان MVP وەرگرتووە پاداشتێکی 2000 دۆلاری ئەمریکی وەردەگرن.
پاڵەوانێتی PMPL ڕۆژهەڵاتی ناوەڕاست و ئەفریقای 2022 بۆ وەرزی پایز باشترین تیپەکانی پۆپجی مۆبایل لە ناوچەکەدا کۆدەکاتەوە، لەنێویاندا تیپە براوەکانیPMPL ی ئەفریقای 2022 وPMPL عەرەبی 2022 کە سەرەتای ئەمساڵدا بەڕێوەچوو.
لیستی ئەو تیپانەی کە بەشدارن لە پاڵەوانێتی PMPL ڕۆژهەڵاتی ناوەڕاست و ئەفریقای 2022 بۆ وەرزی پایز:
1.    TEAM FALCONS
2.    R8 SPORTS
3.    GEEKAY E-SPORTS
4.    NIGMA GALAXY
5.    POWR ESPORTS
6.    CONQUEROR
7.    OOREDOO THUNDERS
8.    FOR KURDISTAN
9.    NASR ESPORTS
10.    TWISTED MINDS
11.    ONE MILLION ESPORTS
12.    TITAN GAMING
13.    SLIME 4KT
14.    LEADERS ESPORTS
15.    VIRTUAL GAMING SQUAD
16.    SOUL ESPORTS

دوای ئەوەی لە پێشبڕکێ و پاڵەوانێتییەکانی پێشووی PMPL بە درێژایی ساڵ سەرکەوتوو بوون، تیپەکانی Nigma Galaxy ، R8 Sports و One Million Esports خاڵی تەواویان کۆکردۆتەوە تا سەرکەوتنیان بۆ پاڵەوانێتی جیهانی PMGC مسۆگەر بکەن. بەم شێوەیە ئەگەر هەریەکێک لەم سێ تیپە سێ پلەی یەکەم بەدەستبهێنێت، ئەوا تیپی دواتری شانبەشانی ئەو سەردەکەون بۆ پاڵەوانێتی جیهانی PMGC.