|
نڤیسینا:نوزاد زادە حسێن ئەگەر ئەم ب زفرینەڤ وان هەلویستێن د دیروکا پر سەروەریا پارتی دیموکراتی کوردستان و جەنابێ بارزانیێ نەمر دگەل کەرکوکێ دا دێ سەرهەلی گەلەک هەلویستێن پر سەروەری بین د دیروکا پر سەروەریا پارتی دیموکراتی کوردستان و بارزانی نەمر دا کو ب هەلوێست نەتەوەی دیروکی دهێنە هژماردن د دیروکا کوردو کوردستانێ دا .
هه‌ر ژ وى ده‌مێ كو كورد كه‌فتینه ژێر زولم و سته‌م و داگیركرنێ دوژمنێن كوردان رێگر بوونه ل ئازادى و سه‌ربه‌خویا كوردستانێ و بۆ ڤێ چه‌ندێ هه‌مى رێك بكارئیناینه هه‌ر ژ كوشتنێ و جینوسایدكرن و دروستكرنا دووبه‌ره‌كى و ناكوكیان و تێكدانا دیروك و كلتورێ كوردان و ژێبرنا موركێ نه‌ته‌وایه‌تیێ , هه‌رده‌م دوژمنێن ملله‌تێ كورد هه‌ولدایه ب دروستكرنا دویڤه‌لانك و خوفرۆشان دناڤ ملله‌تێ كورددا كو جهێ داخێ یه بو نمونه هه‌ر لڤێ دویماهیێ ئه‌و خیانه‌تكرنا گروپێ 16 ى ئوكتوبه‌رێ ل سالا 2017 دناڤ لایه‌نه‌كێ سیاسى یێ كوردستانێ ، ئه‌ڤه‌ژى هه‌مى ل پێناڤ وێ چه‌ندێ كو گه‌لێ كورد ب مافێن خۆ یێن ره‌وا شاد نه‌بیت . ل شۆرشا بارزان د ناڤبه‌را ساڵێن 1943-1945 ل ده‌مێ دانوستاندنان دگه‌ل رژێما وى سه‌رده‌مى بارزانیێ نه‌مر دیاركریه كو كه‌ركوك باژێره‌كى كوردستانى یه و ل رۆژا 7/1/ 1944نوێنه‌رێ حوكمه‌تا ئێراقێ ماجد مسته‌فا گه‌هشته مێرگه‌سورێ بۆ دیدارا بارزانیێ نه‌مر و دانوستاندن ل دیێ ( سپیندار) هاتنه كرن ، بارزانیێ نه‌مر د رێكا ناڤبرى دا داخازیێن گه‌لێ كورد بۆ حكومه‌تا عێراقێ هنارتن كه پێك هاتبوو ژ (8) هه‌شت خالان و خالا ئێكێ پێكهاتبوو ل دروستكرنا ویلایه‌تا كوردستانێ ژ (لیوایێن كه‌ركوك ، سلێمانى ، هه‌ولێر و قه‌زایێن لیوا میسل ( زاخۆ – ئامێدى – دهوك – ئاكرێ –شێخان –شنگال ) و قه‌زایێن (خانه‌قین و مه‌نده‌لى ) ل لیوایێن دیالا ) ب ڤێ چه‌ندێ بۆ مه دیار دبیت كو بارزانیێ نه‌مر كه‌ركوك وه‌كو ئێكه‌مین باژێر دانابوو ل ویلایه‌تا كوردستانێ لێ ئه‌و دانوستاندن سه‌رنه‌كه‌فتن .هه‌روه‌ها لیژنا ئازادى كو ب رێبه‌راتیا بارزانیێ نه‌مر هاتبوو دامه‌زراندن ، نامه‌یه‌كا حه‌فت خالى ل روژا 3/3/1945بۆ حزبا هیوا هنارتبوو كو ئێك ژ وان خالان پلان دانان بوو بۆ رزگاركرنا باژێرێ كه‌ركوكێ هه‌رچه‌نده چه‌كێ بارزانیێ نه‌مر یێ سڤك بوو ، پشتى شۆرشا 14ى تیرمه‌هێ ل سالا 1958 بارزانیێ نه‌مر وه‌كى سومبولێ بزاڤا ئازادیخوازیا گه‌لێ كورد ل ئێكه‌تیا سوڤیه‌تێ بۆ عێراقى ڤه‌گه‌ریا ، ل رۆژا 6/10/1958گه‌هشته به‌غدا و پێشوازییه‌كا مه‌زن ژلایێ خه‌لكێ عێراقێ ژێ هاته‌كرن و پشتى ده‌مه‌كێ كێم سه‌ره‌دانا باژێرو باژێركێن كوردستانێ كر و ئێكه‌م وێستگه‌ه سه‌ره‌دانا كه‌ركوكێ كر سه‌ره‌راى وان كێشه و ئاریشه‌یێن نازم ته‌به‌قچلى به‌رپرسێ فیرقا دوو دروستكرى لێ جه‌ماوه‌رێ كه‌ركووكێ پێشوازیه‌كا مه‌زن ژ بارزانیێ نه‌مر كر و ل (خانوى ئه‌فسه‌ران) بارزانى گوتاره‌ك پێشكێشێ خه‌لكى كر و داخازیا ئێك ریزیا گه‌لى كر .
ل بهارا سالا 1963 ، شاندا شۆرشا كوردى گه‌هشتنه به‌غدا پروژه‌ك پێشكه‌شى حكوومه‌تا عێراقێ كر و ئه‌ڤ پرۆژه‌یه پێكهاتبوو ژ هه‌شت به‌ندان و به‌ندێ شه‌شێ یێ تایبه‌ت بوو ب لیوایێن كوردستانێ كو (سلێمانى و كه‌ركووك و هه‌ولێر دگه‌ل زۆربه‌ییا وان قه‌زاو ناحێن خوجهێن وان كوردبن ل هه‌ردوو لیوایێن میسل و دیالا ، ل ڤێره ژى كه‌ركوك ئێك بوو ژ داخازیێن بارزانیێ نه‌مر.
ل دانوستاندنان دا سالا 1964 دناڤبه‌را پارتى دیموكراتى كوردستان و حوكمه‌تا عێراقێ دا ل 1/10/1964 ، پارتى یاداشته‌كا پازده خالى پێشكێشى حوكمه‌تێ كر كو د به‌ندێ دوویێ هاتبوو دیاركرن (ئێكه‌تیه‌كا ئیدارى پێك بهێت ژ لیوایێن هه‌ولێر ،كه‌ركووك ، سلیمانى ، هه‌ولێر و قه‌زایێن لیوایا موسل ( زاخۆ – ئامێدى – دهوك – ئاكرێ –شێخان –شنگال- ته‌له‌عفه‌ر ) و دیسان ئه‌و قه‌زا وناحیێن زوربه‌یا خوجهێن وان كورد ل سنورێ لیوایا دیالا و ناڤێ وێ ئێكه‌تیا ئیداری بكه‌نه ویلایه‌ت یان پارێزگه‌هێن كوردستانێ ) ل ڤێره خویادبیت كو د دانوستاندنان دا دگه‌ل حكوومه‌تا عێراقێ بارزانیێ نه‌مر دووپاتى ل هندێ كریه كو كه‌ركووك به‌شه‌كه ژ كوردستانێ و چ ده‌مه‌كى ده‌ست ژ كه‌ركووكێ به‌رنه‌دایه .
سه‌ره‌راى هه‌مى هه‌ول و بزاڤان ژ بۆى ژ ناڤبرنا شورشا ئه‌یلولێ لێ ئه‌ڤ هه‌ول و بزاڤه بێ ئه‌نجام بوون له‌وما رژێما به‌عس نه‌چاربوو كو دانوستاندنا دگه‌ل بارزانیی نه‌مر بكه‌ت ، ئه‌نجامێن وان دانوستاندنان ژى رێككه‌فتنا (11)ى ئادارا سالا1970بوو ، ل ده‌مێ دانوستاندنان عه‌بدوڵلا سه‌لوم ئه‌لسامه‌رائی ئه‌ندامێ شاندا حوكمه‌تا دبێژیت (ئه‌ز دبێژم كه‌ركوك باژێره‌كێ كوردى نییه ، من باوه‌ره كو كه‌ركوك باژێره‌كى كوردى نییه ) بارزانیی نه‌مر جهێ كومبوونێ ب جه هێلا , پشتى گه‌له‌ك داخاز و هیڤیان ژ بارزانیێ نه‌مر داكو بزڤریته‌ڤه جهێ كومبوونێ ، بارزانیێ نه‌مر دبێژیت ( په‌یڤا داگیركرن ژ عه‌قلى ڤه نێزیكتره ، بێژه كه‌ركوك باژێره‌كێ داگیركریه و نه‌بێژه كه‌ركووك باژێره‌كێ كوردی نییه و ئه‌ز نه‌شێم به‌رپرسیاربم ل هه‌مبه‌ر گه‌لێ خۆ ژبه‌ر ده‌ستبه‌رداربوون ژ كه‌ركوكێ و دبیت وى ده‌مى ئه‌ڤه رووبده‌ت ده‌مێ ئه‌ز دژیانێ دا نه‌بم ) ئه‌ڤه خویا دكه‌ت كو بارزانى نه‌مر چ ده‌ما یێ دوودل نه‌بوو ل هه‌مبه‌ر كوردستانیبوونا كه‌ركوكێ و هه‌رده‌م بیروباوه‌ره‌كا بلند هه‌بوو كو كه‌ركوك به‌شه‌كا گرنگه ژ ئاخا كوردستنانێ ,
هه‌روه‌ها شانده‌كێ ئێكه‌تیا قوتابیێن كوردستانێ ل (دیلمان ) چاڤ ب بارزانیی كه‌فتن ، داخاز ژێ كرن كو چاره‌یه‌كا ناڤه‌ندى بو كه‌ركووكێ بهێته دیتن ، بارزانى به‌رسڤا وان دده‌ت و دبێژیت ( هه‌مى دزانن كه‌ركووك باژێره‌كێ كوردستانى یه و دلێ كوردستانێ یه ، ئه‌ز ب بیروباوه‌رڤه دبێژم ده‌ستبه‌ردار نابم ل بسته‌كا ئاخا كوردستانێ ، هوین نزانن ل ئالاسكا چ روودده‌ت كو سه‌ر ب روسیا بوو ب نرخه‌كێ ئه‌رزان ب ئه‌مریكا هاته فروتن , ئه‌ڤه ل ده‌مێ رابردوو روویدا ، لێ خوجهێن (ئه‌ڵاسكا) هه‌تا ڤى ده‌مى ژى نه‌فره‌تان ل قه‌یسه‌رى دكه‌ن ، نه ئه‌ڤرۆ و نه پاشه‌رۆژێ ژى رازى نابم و ده‌ست به‌رداری كه‌ركووكێ نابم ) مورته‌زا سه‌عید عه‌بدولباقى ئه‌لحه‌دیسى كو سه‌رۆكێ لیژنا ئاشتیێ بوو دماوه‌یێ چار سالێن دانوستاندنان بو جێبه‌جێكرنا رێككه‌فتنا (11) ئادارێ دبێژیت ( دانوستاندنێن مه دگه‌ل بارزانى دا هه‌رده‌م ل سه‌ر كه‌ركوكێ بوون و مه هه‌مى رێك دگه‌ل گرتنه به‌ر ل سه‌ر دابه‌شكرنا وێ یان كرنا سه‌رژمێریێ لێ بێ مفابوون ، بارزانى دگوت: كه‌ركووك به‌شه‌كه ل كوردستانێ و چ جاران لێ جودا نابیت ، ل ده‌مێ وه‌رگرتنا ده‌نگان ئه‌گه‌ر كورد زورینه نه‌بوون ل كه‌ركووكێ وى ده‌مى من باوه‌ریی ب سه‌ر ژمێریێ نینه ) د ده‌مێ چار سالان دا به‌عسیان سیاسه‌تا ب عه‌ره‌بكرنێ ل كه‌ركووكێ و ناوچه‌یێن دی یێن كوردستانێ گرتنه به‌ر ، ل دویماهیك روژێن هه‌یڤا ئه‌یلوولێ واته ل 29-9- 1971دا پیلانه‌ك بو تیرۆركرنا بارزانیێ نه‌مر هاته دارێشتن ژلایێ رژێمێ ڤه و بارزانیێ نه‌مر ل پیلانێ رزگار بوو ، د ناڤ سه‌ركردایه‌تیا شوره‌شێ داخازا تولڤه‌كرنا ڤى پیلانێ هاتنه كرن لێ بارزانیێ نه‌مرگوت ( ل پێناڤ خوینا من شه‌ری نه‌كه‌ن و ل پێناڤ كه‌ركوكێ شه‌رى بكه‌ن ) ل ڤێره دیاردبیت بارزانیی ل نه‌خوشترین ده‌م دا كو چ نه‌مابوو بهێته تیرۆركرن كه‌ركووك هه‌ر دهزرا وى دابوو و داخاز كر تولا خوینا وى نه‌كه‌ن و به‌لكو شه‌ر ل پێناڤ كه‌ركوكێ بكه‌ن ، دووباره ده‌ستپێكرنا شه‌رى ژى ل سالا 1974ێ ل سه‌ر كه‌ركوكێ بوو كو حوكمه‌ت یا به‌رهه‌ڤ نه‌بوو كه‌ركووكێ بكه‌ڤیته ناڤ سنورێ ئوتونومى و بارزانیێ نه‌مر ژى یێ ئاماده نه‌بوو ده‌ستان ل كه‌ركووكێ به‌رده‌ت كو حكومه‌تا به‌عس ل (11)ى ئادارێ وێ سالێ یاسایه‌ك ب ناڤێ ئوتونومى ئێك لایه‌نه به‌لاڤكر و دوو هه‌فتى موله‌ت دانه پارتى بۆ قه‌بولكرنێ یان ره‌تكرنێ ، به‌رى هنگى ل شه‌ڤا 9-10/3/1974 دا سه‌ركردایه‌تیا پارتى كومبوونا خو كر بۆ ڤه‌كولینا بارودوخى و بارزانیێ نه‌مر گوت (خودێ شاهده ئه‌ز دژى شه‌ری مه و شه‌ر خراپترین رێكه بۆ چاره‌كرنا كێشه‌یان ، لێ به‌عسیان چ رێكێن دى ژبلى شه‌رى بۆ مه نه‌هێلاینه ، داخازێ ژ مه دكه‌ن ده‌ستان ژ كه‌ركوكێ و ده‌ڤه‌رێن دى یێن كوردستانى به‌رده‌ین لێ ئه‌ڤه یا مه‌حاله ) هه‌ر ل بهارا سالا 1974 سه‌ركردایه‌تیا شۆرشێ قانوونا (بنچینه‌یا ئوتونومى یا كوردستانێ ) راگه‌هاند كو پێكهاتبوو ل (115)به‌ندان و ل به‌ندێ حه‌فتێ دا به‌شێ ئێكێ دا هاتیه (پایته‌ختێ ئوتونومى یێ كوردستانێ باژێرێ كه‌ركووكێ یه ، چێدبیت ل ده‌مێ پێدڤى دا جهه‌كێ دى ببیته پایته‌خت) ل داویێ دبێژم هه‌رده‌م بارزانیی نه‌مر به‌ره‌ڤانى ل كوردستانیبوونا كه‌ركوكێ كریه له‌وما ژى كه‌ركوك ب دلێ كوردستانێ ناڤكریه و شۆرشا ئه‌یلولێ ژى كره قوربانى كه‌ركوكێ . دیسان رۆلێ سه‌رۆك مه‌سعود بارزانى ل به‌رامبه‌ر كه‌ركوكێ ددیارو به‌رچاڤن مینا راپه‌رینا به‌هارا سالا1991ێ وه‌كو سه‌روكێ به‌ره‌یێ كوردستانى و راسته‌وخۆ سه‌رپه‌رشتیا رزگاركرنا كه‌ركوكێ كرى یه ، ل سالا2003 ێ ژى هه‌مان هه‌لویست هه‌بوویه كو ناسناما كه‌ركوكى كوردستانى یه و راسته باژێرێ پێكڤه ژیانێ یه و دچه‌سپاندنا ده‌ستوورێ عیراقێ و به‌ندا (58) و پاش به‌ندا (140) یا ده‌ستوورى كو هه‌رده‌م داكوكى لسه‌ر ڤان هه‌ردوو به‌ندان كرى یه لسه‌ر ناسنامه‌یا كه‌ركوك و ده‌ڤه‌رێن كوردستانى ئه‌وێن ده‌رڤه‌یى هه‌رێما كوردستانێ ، ئه‌ڤه‌نه هه‌لویستێن پارتى و بارزانى لسه‌ر كه‌ركوكێ ...و هه‌لویستێن لایه‌نێن دى ژى و نه‌مازه لایه‌نه‌كێ سیاسى ل كوردستانێ یا دیارو به‌رچاڤ بوو وەكو ئه‌و خیانه‌تكرنا گروپێ 16 ى ئوكتوبه‌رێ ل سالا 2017 دناڤ لایه‌نه‌كێ سیاسى یێ كوردستانێ دا ، د نوکەدا شی هەمی هەولێن وی لایەن ئەون دگەل لایەنەکێ شوڤینێ عێراقێ و ئەقلیمی کو نەهێلن پارتی دیموکراتی کوردستان ب زڤریتەڤ کەرکوکا دلێ کوردستانێ ژبەر دوژمن و نەیار و خوفروش دزنن ب زفرینا پارتی بۆ ڤی باژێر هەستێ نەتەوایەتی دێ زڤریتەڤ و دبنە خوەدی دەستکەفت و ماف ، ودێ ژیانا یا پاراستی بیت.
ئەم هەواڵە 586جار خوێندراوەتەوە |
