نڤیسینا:غیاس خالد زێباری
د دەولەتا ئیراقا نوودا یا ب ناڤ فیدرال، هەرسێ سەرۆکاتی لسەر پێکهاتێن جڤاکێ ئیراقێ هاتینە دابەشکرن، سەرۆک کۆمار پشکا هەرێما کوردستانێ و نەتەوا کوردە کۆ ئێک ژ ئەرکێن سەرەکی یێن سەرۆک کۆماری پاراستنا دەستووری یە، عبد اللطیف رشید سەرۆک کۆمارێ نهۆ یێ ئیراقێ لسەر پشکا کوردا و ب پشتەڤانیا ئالیێن سیاسی یێن کوردستانێ چوویە کوچکا سەلام یا سەرۆکاتیێ و لسەر کورسیا سەرۆک کۆماریێ روونشتیە، ئانکۆ نوونەرێن خەلکێ کوردستانێ و نەتەوا کوردە. لەوما ئەرکێ جەنابێ وی یە بەڕەڤانیێ ل مافێن دەستووریێن خەلکێ کوردستانێ بکەت و رێگریێ ل هەر پێشێلکاریەکا دەستووری بکەت نەخاسمە یێن خەلکێ کوردستانێ، جهێ پسیارێ یە ئەرێ بۆچی سەرۆک کۆمارێ ئیراقێ لسەر وان بنپێکاریێن دەستووری دژی خەلکێ کوردستانێ دهێنە کرن یێ بێ دەنگە ..؟ ژبلی بنپێکرنا زێدەتر ژ ( ٥٥ ) ماددێن دەستووری یێن ساڵێن بەرێ دەرهەقی هەرێما کوردستانێ، بۆچی سەرۆک کۆمار لسەر روودان و رەفتارێن دوژمنکارانە یێن ئیراقێ دژی هەرێما کوردستانێ و خەلکێ کورد هەر ل رێکەفتنا شنگال و نەدانا پشکا هەرێما کوردستانێ یا مووچە و بودجەی ل دیف یاسایا بودجێ ئیراقێ و رێکەفتنێن دناڤبەرا حکومەتا هەرێمێ و حکومەتا بەغدا، هەروەسا وێ زۆرداریا ل خەلکێ کورد دکەن ل کەرکووکێ و دەڤەرێن کوردستانی یێن دەرڤەی ئیدارا هەرێما کوردستانێ.
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad