 |
|
|||
ZNA - هەولێر لە یارییەکانی هەفتەی 15ی خولی ئیتاڵیادا، یانەی ئاتلانتا لە یاریگای خۆی میوانداری میلانی کرد.
سەرەنجام ئاتلانتای خاوەن یاریگا و هاندەر توانی یارییەکە بە سێ گۆڵ بەرامبەر بە دوو گۆڵ شکست بە میلان بهێنێت.
هەر لە سەرەتاوە یاریێکی بەهێز دەرکەوت و لە تایمی یەکەمدا هەردوو یانە گۆڵێکیان تۆمارکرد، سەرەتا ئاتلانتا دەستپێشخەری کردو گۆڵێکی لە خولەکی 38 لەلایەن لۆکمان تۆمارکرد، گۆڵەکەی میلانیش ئولیڤەر جیرۆ لە خولەکی سێی زیادکراوی ئەو تایمە تۆمارکرد و یارییەکەی یەکسانکردەوە.
لە تایمی دووەمدا، جارێکی تر لۆکمان تۆڕی گۆڵی میلانی هەژاندەوە، بەڵام لەخولەکی 80 لوکا یۆڤیچ گۆڵی بەرامبەری ئاتلانتا تۆمارکرد، لە خولەکی پێنجی زیادکراوی تایمی دووەم، ئاتلانتا گۆڵی سێیەم و بردنەوەی لەڕێگەی یاریزان لویس موریێل تۆمارکرد.
بەم ئەنجامە، ئاتلانتا بە 23 خاڵ لە ئێستادا لە پلەی حەوتەمی ڕیزبەندیە، میلانیش بەکۆکردنەوەی 29 خاڵ لە سێیەمی ڕیزبەندی مایەوە. ئەم هەواڵە 271جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad