 |
|
|||
ZNA - هه‌ولێر
ئەمرۆ شەممە3-2-2024 ئومێد خۆشناو پارێزگاری هەولێر بە یاوەری نەبەز عەبدولحەمید قائیمقامی قەزای ناوەندو مامۆستا لوقمان بەرێوەبەری گشتی پەروەردەیی هەولێر و ژمارەیەكی بەرچاو لە كەسایەتییەكانی شار ئامادەیی رۆژی ئەفەندی بوون، كە رۆژێكەو بە مەرسومی فەرمی لە ساڵی 1936 ەوە تەرخان كراوە بۆ ئەم یادە، كە تایبەتە بە زیندوكردنەوەی ئەتەكێت و ویقاری مامۆستایانی دێرین لە سەدەی رابردوو . لە كردنەوەی شریتی یادی ئەفەندی، سەرەتا پیشەنگایەكی وێنەی كەسایەتییەكانی ئەفەندی هەولێر نمایشكرا، كە هەر وێنەیەكیان چیرۆكی مێژوویەكی لە خۆی كۆكردبووەوه. لە وتەیەكیشدا پارێزگاری هەولێر خۆشحاڵی دەربڕی و تاكیدی كردەوە كە ئەم یاد كردنەوانە دەرخەری ئەوەن كە شاری هەولێر هەمیشە شارێكی زیندوو بووە، وەك چۆن لە رابردووی دوور خودان مێژووی دەوڵەمەندی عیلم و مەعریفەت و رەسەنایەتی بووە، ئێستاو داهاتووش هەر درێژكراوەی ئەم كاروانە دەبێت. هەولێر شانازی بە خەڵكە رەسەنەكەی خۆی دەكات و شانازی بە خوێندەوارو مامۆستاو زانایانی خۆی دەكات، كە هەریەكەیان ئەفەندی سەردەمی خۆیان بوونە. ئەم چالاكییە بە هاوبەشی لە نێوان مۆزەخانەو ئەرشیفی پەروەدەیی هەولێرو رێكخراوی كوردستان فۆتۆو ئایس كرێم كەلەرس رێكخرابوو . ئەم هەواڵە 166جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad