 |
|
|||
ZNA - هه‌ولێر
سەرۆکوەزیرانی عێراق، محەمەد شیاع سوودانی بەمەبەستی تاوتوێکردنی ژمارەیەک پرسی گرنگ بەرەو ھۆڵەندا بەڕێکەوت. نووسینگەی ڕاگەیاندنی سەرۆکوەزیرانی عێراق لە راگەیەندراوێکدا ئاماژەی بەوەداوە کە ئەمڕۆ پێنجشەممە، محەمەد شیاع سوودانی بەغدای پایتەختی بەجێھێشتووە و بەسەردانێکی فەرمی بەرەو ھۆڵەندا بەڕێکەوتووە. لە ڕاگەیەندراوەکەدا، وردەکاری زیاتر لەبارەی ناوەڕۆکی سەردانەکەی سەرۆکوەزیرانی عێراق بۆ ھۆڵەندا نەخراوەتەڕوو. چاوەڕوان دەکرێت سەرۆکوەزیرانی عێراق، محەمەد شیاع سوودانی لە میانی سەردانەکەی بۆ ھۆڵەندا، زنجیرەیەک دیدارو کۆبوونەوە لەگەڵ بەرپرسانی ئەو وڵاتە ئەنجام بدات. ڕۆژی ٦ی ئەم مانگە وەزیری دەرەوەی عێراق، فوئاد حوسێن ڕایگەیاندبوو کە بەم نزیکانە، محەمەد شیاع سوودانی سەردانی ھۆڵەندا دەکات و لە میانیدا ژمارەیەک دۆسیە لە بوارەکانی ئابووری و کشتوکاڵی لەگەڵ بەرپرسانی ئەو وڵاتە تاوتوێ دەکات.
AA ئەم هەواڵە 301جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad