 |
|
|||
ZNA - هه‌ولێر
نوێنەری حکوومەتی ھەرێمی کوردستان لە فەرماندەی ئۆپراسیۆنی ھاوبەشی عێراق رایده‌گه‌ێنێت: سەرەتای مانگی داھاتوو ھەردوو لیوای ھاوبەشی پێشمەرگە و سوپای عێراق مەشق و ڕاھێنانیان تەواو دەبێت و لە ناوچە کوردستانییەکان جێگیر دەکرێن و ئەرکیان پێ دەسپێردرێت کە لە لایەن دوو لیژنەی ھێزی پێشمەرگە و فەرماندەی ھێزی ھاوبەش شوێنیان بۆ دیارکراوە. لیوا عەبدولخالق تەڵعەت، نوێنەری حکوومەتی ھەرێمی کوردستان لە فەرماندەی ئۆپراسیۆنی ھاوبەشی عێراق، به ماڵپەڕی فەرمیی پارتی دیموکراتی کوردستانی راگه‌یاند: لە ماوەی ڕابردوودا دوو لیوای ھاوبەشی پێشمەرگە و سوپای عێراق دەستیان بە مەشق و ڕاھێنان کرد، تا ئێستا لە مەشق و ڕاھێنان بەردەوامن و بڕیارە سەرەتای مانگی داھاتوو مەشق و ڕاھێنانیان تەواو بێت. لیوا عەبدولخالق تەڵعەت گوتیشی: دوای تەواوبوونی مەشق و راھێنانەکانیان بڕیارە لە ناوچە کوردستانیەکان ئەرکیان پێ بسپێردرێت، چونکە لیژنەی فەرماندەی ھێزە ھاوبەشەکانی عێراق و لیژنەی پێشمەرگە سەردانی ناوچەکانیان کردووە و شوێنەکانیان دیارکردووە و لەو شوێنانە ئەو ھێزانە جێگیر دەکرێن، کە سودێکی زۆری دەبێت بۆ ئەمنیەت و کۆنترۆڵکردنی ئەو ناوچانە، بەتایبەتیش بۆ کوردەکانی نیشتەجێی ئەو ناوچانە.
ئەم هەواڵە 292جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad