 |
|
|||
ZNA - هه‌ولێر
دەستەی ئۆپەراسیۆنەکانی بازرگانی دەریایی بەریتانیا "UKMTO" ڕایگەیاند کە ڕووداوێک لە کەناراوەکانی باشووری ڕۆژئاوای یەمەن ڕوویداوە، داوا لە تیمەکانی نێو کەشتییەکان کراوە، رێوشوێنی پێویست بۆ پاراستنی گیانیان بگرنەبەر. دەستەکە لە ڕاگەیاندراوێکدا ئاماژەی بەوەداوە، بەپێی ڕاپۆرتێک کە بەدەستیان گەیشتووە، ڕووداوێک بە دووری ٣٥ میل لە کەناراوەکانی شاری مەخا باشووری ڕۆژئاوای یەمەن ڕوویداوە. لە ڕاگەیاندراوەکەدا، وردەکاری زیاتر لەوبارەیەوە نەخراوەتەڕوو. لە ڕاگەیاندراوەکەدا داوا لە تیمەکانی نێو کەشتییەکان لە دەریای سوور کراوە، رێوشوێنی پێویست بۆ پاراستنی گیانیان بگرنەبەر و ھەر چالاکییەکی گوماناویشیان بەدی کرد، ئەوە لایەنە پەیوەندیدارەکانی لێی ئاگادار بکەنەوە. تا ئێستا حووسییەکان لە يەمەن، ھیچ ڕاگەیاندراوێکیان لەبارەی ڕووداوەکەوە بڵاونەکردووەتەوە.
AA ئەم هەواڵە 322جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad