2024-02-24 [01:48 AM]

سه‌رۆك بارزانی ئه‌مڕۆ هه‌ینی به‌ ته‌له‌فۆن په‌یوه‌ندی به‌ فه‌خری كه‌ریم سه‌رۆكی ده‌زگه‌ی رۆشنبیری و راگه‌یاندنی ئه‌لمه‌دا كردووه‌ و له‌ هه‌واڵی پرسیوه‌.

دوای ئەوەی شەوی ڕابردوو فەخری کەریم سەرۆکی دەزگەی ڕۆشنبیری و ڕاگەیاندنی ئەلمەدا لە بەغدا لە هەوڵێکی تیرۆرستی رزگاری بوو، ئه‌مڕۆ هه‌ینی سەرۆک مەسعود بارزانی بە مەبەستی هەواڵپرسین پەیوەندیی تەلەفۆنی پێوە کرد و لە هەواڵی پرسی.

سه‌رله‌به‌یانی ئه‌مڕۆ هه‌ینی دەزگەی ڕۆشنبیری و ڕاگەیاندنی ئەلمەدا له‌ راگه‌یه‌نراوێكدا بڵاوی كرده‌وه‌: شه‌وی ڕابردوو فەخری کەریم سەرۆکی دامەزراوەی ئه‌لمەدا بۆ راگەیاندن و رۆشنبیری و هونەر و سەرۆکی ئەنجوومەنی عێراق بۆ ئاشتی و تەبایی، لە کاتی گەڕانەوەی بۆ ماڵەوە لە ناوچەی قادسییە لە شاری بەغدا لە هەوڵیکی تیرۆرکردن رزگاری بوو.

بڵاویشی كرده‌وه‌: چه‌ند چه‌كدارێك كه‌ ئۆتۆمبێلێكی جۆری پیكئابیان پێ بووه‌، رێگه‌یان له‌ فه‌خری كه‌ریم گرتووه‌‌ و دەستڕێژی گولـلەیان کردووەتە سەر ئۆتۆمبێلەکەی و هەڵهاتوون.