 |
|
|||
ZNA-هەولێر شاره‌زایه‌كی كه‌شناسی رایگه‌یاند، پێشبینی ده‌كرێ سبه‌ی دووشه‌م شه‌پۆڵێكی سه‌رما و سۆڵه روو له ناوچه‌كانی هه‌رێمی كوردستان بكات و پله‌كانی گه‌رما چه‌ند پله‌یه‌ك روو له نزمبوونه‌وه بكه‌ن.ئاراس جه‌بار شاره‌زای كه‌شناسی رایگه‌یاند: سبەی دووشەم لە ئەنجامی زیادبوونی کاریگەری بەرزەپاڵەپەستۆی سیبیریا لەسەر ناوچەکانمان، ئاسمانی ھەرێم ساماڵ و کەمێک پەڵەھەور دەبێت.راشیگه‌یاند: وشکە سەرما زیاتر دەبێت و پلەکانی گەرما بەراورد بە ئەمڕۆ یه‌كشه‌م لەسەرجەم ناوچەکاندا بە ڕێژەی 4 تا 5 پلە نزمتر دەبێتەوە و ھەستکردن بەسەرما زیاتر دەبێت.هه‌روه‌ها رایگه‌یاند: بای باکوری رۆژھەڵات لە ناوچەکانی پارێزگه‌ی سلێمانی و ئیدارەی راپەرین و ناوچە شاخاوییەکانی خۆرھەڵاتی پارێزگه‌ی ھەولێر چالاکتر دەبێت و خێرایی باش بەراورد بە ئەمڕۆ زیاد دەکات.شاره‌زاكه‌ی كه‌شناسی ئاماژه‌ی به‌وه‌ش دا، دووسبەی دووشه‌م کاریگەری ئەم وشکەسەرمایه و با بەھێزە کەمێک کەمتر دەبێتەوە، بەڵام سه‌رماكه به‌شێوه‌یه‌كی گشتی بەردەوامی دەبێت تا سەرەتای مانگی داھاتوو.ئەم هەواڵە 223جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad