 |
|
|||
ZNA-هەولێر ئەندامێکی لیژنەی دارایی لە ئەنجومەنی نوێنەرانی عێراق رایگەیاند، کە پێویستە ھەرێمی کوردستان لیستی مووچەی فەرمانبەران بداتە وەزارەتی دارایی عێراق، ئەوەش تەنیا بۆ ناردنی مووچەی مانگی شوباتە، لەمەودوا مانگانە مووچەی فەرمانبەرانی ھەرێمی کوردستان لەلایەن حکوومەتی فیدڕاڵەوە دابین دەکرێت.خەلیل غازی، ئەندامی لیژنەی دارایی لە ئەنجومەنی نوێنەرانی عێراق، بە ئاژانسی ھەواڵی زاگرۆسی راگەیاند: پێویستە ھەرێمی کوردستان لیستی مووچەی فەرمانبەران بداتە وەزارەتی دارایی عێراق، ئەوەش تەنیا بۆ ناردنی مووچەی مانگی شوباتە لەسەر بنەمای لیستی فەرمانبەران مووچەی ئەم مانگە ڕەوانە دەکرێت، لە کۆبوونەوەی نێوان وەزیری دارایی فیدڕاڵ و لیژنەی دارایی لە ئەنجومەنی نوێنەرانی جەخت کرایەوە لەمەودوا مانگانە مووچەی فەرمانبەرانی ھەرێمی کوردستان لەلایەن حکوومەتی فیدڕاڵەوە دابین دەکرێت، جگە لە مووچەش ھەموو شایستەکانی دیکەی ھەرێم ڕەوانە دەکرێن، وەک مووچەی خانەنشینان و تۆڕی چاودێری کۆمەڵایەتی.هەروەها خەلیل غازی، ئەندامی لیژنەی دارایی لە ئەنجومەنی نوێنەرانی عێراق ئەوەشی بۆ ئاژانسی ھەواڵی زاگرۆس خستەروو، کە ئەگەر لە توانای حکوومەتی ھەرێمی کوردستاندابێت مووچەی فەرمانبەرانی ھەرێم ھاوتای بەغدا دەکرێت بە مەرجێک ئەو ھاوتاکردنە زیاتر نەبێت لە پشکی ھەرێمی کوردستان لەنێو یاسای بودجەدا، چونکە بۆ پشکی ھەرێمی کوردستان ١٢% دیاری کراوە، هەروەها بۆ مانگی ئادار و مانگەکانی دواتر سیستەمی مووچە بە ئەلیکترۆنی دەکرێت و بەگوێرەی سیستەمی نوێ مووچەی فەرمانبەرانی ھەرێمی کوردستان خەرج دەکرێت، ئەویش بە کردنەوەی ھەژماری بانکی لەو بانکانەی سەر بە بانکی ناوەندی عێراقن.رێباز یونسئەم هەواڵە 241جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad