 |
|
|||
ZNA-هەولێر ئەندامێکی ئەنجوومەنی نوێنەرانی عێراق لە فراکسیۆنی پارتی دیموکراتی کوردستان رایگەیاند، کە حكوومەتی عێراق رەزامەندی نیشانداوە بۆ رەوانە كردنی موچەی فەرمانبەرانی هەرێمی كوردستان بەهەمان سیستەم و میكانزمی پێشوو.سیپان شێروانی، ئەندامی ئەنجوومەنی نوێنەرانی عێراق لە فراکسیۆنی پارتی دیموکراتی کوردستان، بە ئاژانسی ھەواڵی زاگرۆسی راگەیاند: حكوومەتی عێراق رەزامەندی نیشانداوە بۆ رەوانە كردنی موچەی فەرمانبەرانی هەرێمی كوردستان بەهەمان سیستەم و میكانزمی پێشوو، لە رۆژانی رابردوو، دادگای فیدڕاڵی عێراق لە بارەی پرسی موچەی فەرمانبەرانی هەرێمی كوردستان كۆبووەوە و بڕیاریدا بۆ مانگی شوبات موچە بە میكانزمی پێشتر رەوانە بكرێت كە پێشبینی دەکرێت وەك مانگی رابردوو، 618 ملیار بە حكومەتی هەرێم بدرێت بۆ دابەش كردنی موچەی فەرمانبەران و بڕە پارەکەش لە دوو ڕۆژی داهاتوو دەگات.ھەروەھا سیپان شێروانی، ئەندامی ئەنجوومەنی نوێنەرانی عێراق لە فراکسیۆنی پارتی دیموکراتی کوردستان ئەوەشی بۆ ئاژانسی ھەواڵی زاگرۆس خستەروو، کە لە بڕیاری دادگای فیدڕاڵی عێراقدا هاتووە، بۆ مانگەكانی داهاتوو چیتر بوودجە بەو شێوەیە بۆ كوردستان رەوانە نەكرێت و كار بە سیستەمی بانكی بكرێت، ئەمەش لەم ماوە كورتە ناتوانرێ ئەو هەموو موچە خۆرە كارت دەربهێنن، بە بڕوای ئێمە ئەو بڕیارە گرفت دروست دەكات .رێباز یونسئەم هەواڵە 253جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad