 |
|
|||
ZNA - هەولێر لە یاریێکی تری هەفتەی 27ی خولی ئیسپانیا، ریال مەدرید لە دەرەوەی یاریگای خۆی بووە میوانی ڤالانسیا.
لە ئەنجامدا یارییەکەش بە یەکسانی و بە دوو گۆڵ بۆ هەردوولا کۆتاییهات.
لە تایمی یەکەمدا هەرچەندە ریال مەدرید کۆنتڕۆڵی یاریەکەی کرد بەڵام لەو تایمەدا دوو گۆڵی لە خولەکەکانی 27 و 30دا لەڕێگەی یاریزانان هۆگو دۆرو و ڕومان یێرمچۆک لێیان تۆمارکرد، بەڵام لە خولەکی پێنجی زیادکراوی ئەو تایمە ڤینیسیۆس جونیۆر بە گۆڵێک ئەنجامەکەی بۆ ریال کەمکردەوە.
لە تایمی دووەمدا، لە خولەکی 76 دوای چەندین هێرش ڤینیسیۆس جونیۆر گۆڵی یەکسانی بۆ مێرەنگێ تۆمارکرد، دواتر ناوبژیوان حەوت خولەکی کاتی زیادکاراوی بە یارییەکەدا لە پێناو قەرەبووکردنەوەی کاتە رۆیشتووەکان ، سەرەنجام لە کاتی زیادکراودا ناوبژیوان لێدانێکی سزای بۆ ڤالێنسیا هەژمارکرد بەڵام دوای گەڕانەوە بۆ ڤار رەتکرایەوە، هەروەها بێلینگهامیش بەکارتی سوور کردە دەرەوە و یارییەکەش بە یەکسانی کۆتاییهات.
بەم ئەنجامە، ریال مەدرید بە کۆکردنەوەی 66 خاڵ لە پێشەنگی ڕیزبەندی مایەوە و ڤالانسیاش 37 خاڵی هەیە و لە پلەی نۆیەم دێت. ئەم هەواڵە 334جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad