2021-05-10 [07:18 AM]

لە ئێستادا یەکێک لەو حاڵەتانە لەنێو خەڵک پەرەی سەندووە ئەوەیە زۆرینەی خەڵک خێرا شتەکان لەبیر دەکەن ، ئەم حاڵەتە چەندین ھۆکاری جیاوازی ھەیە . 

لەم بابەتە بە کورتی تیشک دەخەینە سەر ھۆکارەکانی خێرا لەبیرکردنی شتەکان . 

• سەرنج نەخستنە سەر شتەکان و نەچەسپاندنی لە نێو مێشک . 
• کەمی ترشی ئۆمیگا ٣ و ھەندێک ڤیتامینات و خوێی کانزایی کە دەبنە ھۆی بەد خۆراکی و ئەمەش دەبێتە ھۆی ئەوەی مرۆڤ شتەکان لە بیر بکات . 
• خواردنی رێژەیەکی زۆر لە خواردن ، ئەمەش وا دەکات خوێنێکی کەمتر بۆ ناو مێشک بچێت و ھزرت لاوازتر دەکات. 
• ھەندێک جار ھۆکارەکە بۆماوەییە . 
• تووشبوون بەھەندێک نەخۆشی وەک شەکرە , زەھایمەر ، شۆکی دەروونی ، ئاوسانی مێشک ، 
•گەورەبوون لە رووی تەمەنەوە و پیربون ، ئەمەش وا دەکات خوێنبەرەکان زیاتر گرژ ببن و خۆراکی مێشک کەم ببێتەوە و بەمەش تووشی لە بیرکردنی شتەکان دەبێت . 
• خواردنەوەی رێژەیەکی زۆر لە مەی و دەرمانی بە ئاگاھاتن (منبھات) یاخود دەرمانی خەو لێکەوتن و یا دەرمانی سڕکەر، ئەمانە ھەمووی ھۆکارن بۆ ئەوەی مرۆڤ شتەکان زووتر لە بیر بکات . 
• باری دەروونی نا جێگیر و ناخۆش ، وەک دڵتوندی و ھەست نەکردن بە ئارامی و رارایی ، ئەمانەش ھەمووی کاریگەری لەسەر مێشک ھەیە . 
• ئەنجامدانی ھەندێک نەشتەرگەری وەک نەشتەرگەری مێشک . 
• ژەھراوی بوون بە ماددەی لیسیۆم و ھەڵمژینی ھەوای پیس . 
• پشوو نەدان و مانەوەی شەوان لە دەرەوە و تەمەبەڵیەکی زۆر و کەم جووڵەیی ، ئەمانەش ھەموو ھۆکارن بۆ ئەوەی مرۆڤ  بەخێرایی شتەکان لە بیر بکات .