 |
|
|||
نوسینی : ساڵح محه‌مه‌د ته‌یرۆ ئه‌گه‌ر ئه‌م هنده‌ك بزڤرینه‌ڤه بۆ دیروكا خویناوى یا ئه‌وا كو دنێڤ هیزێن سیاسى یێن رزگاریخوازیا كوردستانێ و حكومه‌تێن داگیركه‌رێن كوردستانێ هاتینه روویدان دزڤریته‌ڤه بۆ دیروكه‌كا به‌رییا ب چه‌ندین ساڵا ، ب هزرا من ژى هه‌ر ئه‌ڤ ناكوكیێن ناڤخویى بوینه كۆ بوینه فاكته‌ر و سه‌ده‌م سه‌ره‌كى كو تا نها ئه‌ڤ ملله‌ته ب مافێن خو یێن ره‌وا نه‌گه‌هشتین و سه‌ره‌راى هنده‌ك فاكته‌رێن ده‌ره‌كى ، هه‌رده‌مێ ئارمانجێت ئه‌ڤى ملله‌تى نێزیك بوینه كو بگه‌هنه ئارمانجێت خۆ یێن خه‌بات و قوربانیدان ژێرا هاتیه كرن ودان دوژمن و نه‌حه‌زێن ئه‌ڤى ملله‌تى پیلان و بوسه داناینه و ئه‌م بخۆ ژى ڤێجا لژێر هه‌ر په‌رده‌یه‌ك و ناڤه‌كێ بیت بوینه داروده‌ستێت وان بۆ ب سه‌رگرتنا وان پیلانا و قوربانیێت سه‌ره‌كى هه‌ر ئه‌ڤ ملله‌تێ ژاروپه‌ریشان بویه ، لێ یا مرۆڤ پێ دلگران دبیت ئه‌وه كو سیاسه‌تمه‌دارێن كورد مفا ل وان سه‌ربورێن تاڵ وه‌رنه‌گرتینه ، له‌وما فه‌ر بۆ كو هه‌ر كه‌سه‌كێ خۆ ب كورد بزانیت وهه‌ست ب به‌رپرسیاره‌تیا ئه‌خلاقى و ئایینى و نه‌ته‌وى ونیشتیمانى بكه‌ت ڤێجا سه‌ر ب هه‌ر لایه‌نه‌كێ سیاسى بیت یان بێ لایه‌ن بیت و ل هه‌ر پارچه‌یه‌كا كوردستانا داگیركرى بیت ل دژى شه‌رێ براكوژیێ رابوه‌ستیت و نه‌بیته پاڵه بۆ خوشكرنا ئاگرێ شه‌رێ مالوێرانیێ وپاش دیرۆك ره‌حمێ ب كه‌س دا نابه‌ت ، فه‌ره ئه‌ڤه ژى ل بیرا مه نه‌چیت كو وه‌كو ئه‌ركه‌كێ نه‌ته‌وى ونیشتیمانى هه‌ر لایه‌نه‌كێ سیاسى یێ كورد یى كو ئه‌ڤرۆ دقادا به‌رخودانێ دا واقعێ هه‌رێما كوردستانێ بزانیت و ئه‌و لایه‌نێن پارچێن دى ژى یێن كوردستانێ تاكو ب كارن پتر كاریگه‌ریا خو ب بینن ل سنورێ خو چالاكیێت خو یێن شوره‌شگێرى ئه‌نجام بده‌ن تاكو ئه‌ڤ چالاكیێت وان ل سنورێ هه‌رێما كوردستانێ نه‌كه‌ڤنه دبه‌رگۆمانا ده‌وله‌تێت دراوسێ كو هه‌رده‌م ل هێجه‌تا دگه‌رهێن بۆ هه‌رێما كوردستانێ ئه‌وا ل باشور دروست بوى . ئه‌م هه‌مى دزانین كو ئه‌و ئه‌زمونا نه‌خوش و مالوێرانیێ كو دسالێن شیستاندا ل چه‌رخێ بورى ده‌ست پێكرى و ب سه‌دان گه‌نج و لاو و شورشگێر ودلسوز وكوردپه‌روه‌ر بونه قوربانى و سوته‌مه‌نیێن ڤان شه‌راندا دنێڤبه‌را لایه‌ن وهێزێن رزگاریخوازیێن كوردستانێ لێ خویا ژى بۆ كو هیچ هێزه‌ك ب شه‌رى نكاریت هێزا دى ل ناڤ ببه‌ت و ب تنێ زه‌ره‌رو زیان نه‌بن ب هه‌ر دوو لایه‌نێن شه‌ركه‌ر ، ئه‌م دپشت راستین ژى و دیروكێ ژى یا سه‌لماندى كو داگیركرن و خوسه‌پاندن ب زه‌برى هێز و چه‌ك وته‌قه‌مه‌نى و بێ پشتیوانیا گه‌ل و ملله‌تى دێ دویماهیا وێ كاره‌سات و مالوێرانى بیت . ئه‌ڤرۆ ژى كاودانێن هه‌رێما كوردستانێ و به‌رژه‌وه‌ندیا گشتى ل مه داخواز دكه‌ن كو سه‌ره‌راى ئه‌و ناكوكیێت سیاسى یێن دناڤبه‌را لایه‌نێن سیاسى ل هه‌رێما كوردستانێ لێ ب هیچ ره‌نگه‌كێ وه‌كو ئه‌ركه‌كێ ئه‌خلاقى و ئایینى و نه‌ته‌وى ونیشتیمانى وهه‌ست كرن ب به‌رپرسیاره‌تیێ ددل خوش نه‌بن بڤان پێكدادانێت هاتینه روویدان وتێنه روویدان دناڤبه‌را گه‌ریلایێن په‌كه‌كێ و پێشمه‌رگه‌هێن كوردسنتانێ ل سنورێ هه‌رێما كوردستانێ ، چونكه ئه‌ڤ شه‌رێ دنێڤبه‌را هێزێن په‌كه‌كه و هێزێن پێشمه‌رگه‌هێ كوردستانێ و ل هیچ ده‌م و سه‌رده‌مه‌كێ دا ونه‌مازه دڤان كاودانادا دبه‌رژه‌وه‌ندیا گه‌لێ كوردستانێ و په‌كه‌كێ ژى دا نیه وفه‌ره په‌كه‌كه ژى سنورێ خو یێ خه‌بات و به‌رخودانێ بزانیت، ره‌نگه ئه‌ڤه پیلانه‌ك بیت بو پتر به‌رفره‌هكرنا شوین پێن داگیركه‌رێن كوردستانێ بو باشورێ كوردستانێ . له‌وما فه‌ره ژى گه‌ریلایێن په‌كه‌كێ ژى هه‌ست بڤێ چه‌ندێ بكه‌ن و شه‌رێ خوه ببه‌نه‌ڤ باكورێ كوردستانێ كو چیایێن وان گه‌له‌ك وگه‌له‌ك ل چیایێن كوردستانا باشور ئاسى ترن بو به‌ره‌ڤانیكرن ل وێ پارچا كوردستانێ ئه‌گه‌ر ڕاست ببێژن ، پێتڤى یه لسه‌رحكومه‌تا عیراقا فیدرال و حكومه‌تا هه‌رێما كوردستانێ ب هه‌مى لایه‌نه‌كێ سیاسى یێ كورد و كوردستانى ڤه و ب هه‌مى ره‌نگه‌كێ رێكێ لڤان جوره شه‌ران بگرن . دیسان دهه‌مان وه‌ختدا فه‌ره كو پاراستنا سه‌روه‌ریا ئاسایش و ئارامى و سه‌قامگیریا هه‌رێما كوردستانێ ل كارێن پێشه‌كیا هه‌مى حزبێن كوردستانا باشور ویێن دى ژى بن و ب هیچ ره‌نگه‌كێ مساومه لسه‌ر نه‌هێته كرن و وه‌ها ل میدیا و راگه‌هاندنێن خودا دیار بكه‌ن كو ب تنێ لایه‌نه‌ك به‌رپرسیاره نیه ب هاتنا ڤى له‌شكرێ توركیا بۆ هه‌رێما كوردستانێ و باش بزان نكو فاكته‌رێن هاتنا وان په‌كه‌كه‌یه .دیسان هزر نه‌كه‌ن ئه‌ڤ شه‌ره ل سنورێ فلان لایه‌نى یه نه‌خێر و سه‌د جارا نه‌خێر به‌لكو ل سنورى هه‌مى كورد و كوردستانێ یه و به‌شه‌كه ل هه‌رێما كوردستانێ و ب سه‌دان شه‌هید ژى ژێرا هاتینه دان ل هه‌مى لایه‌نه‌كێ تاكو هاتیه‌ڤ رزگار كرن ڤێجا خودان چ بیروبوچوونێن سیاسى بن ، دیسان په‌كه‌كه ژى ب سیاسه‌تا خودا بچیته‌ڤه و به‌س بیت ئه‌ڤان گه‌نج ولاوان ب كوشتن بده‌ت و بێكو ئارمانجه‌كا نه‌ته‌وى ونیشتیمانى یا دیار و زه‌لال بیت ... ئەم هەواڵە 12892جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad