 |
|
|||
نڤیسینا : غیاس خالد زێباری دگەل دامەزراندنا قەوارێ هەرێما کوردستانێ ل سالا ١٩٩٢ ێ یێ پیلانێن ژناڤبرن و لاوازکرن و پێشنەکەفتنا وێ ژی ژلایێ دوژمنێن کوردا هاتنە ڕاچاندن، زۆربەی ڤان پیلانان پیلانێن دوژمنکارەنە بوون رێکا ( کوردی ــ کوردی ) ، هاندانا پەکەکێ بۆ دژایەتیا قەوارێ هەرێما کوردستانێ و حکومەتا وێ ل سالا ١٩٩٢ ێ یێ گاڤا دەستپێکیا وێ پیلانێ بوو و مخابن پەکەکێ ژی ب ساناهی بریار و ئەجندایێن داگیرکارا ئەرێ کرن و ئاراستەیا بناڤ خەبات و شۆرەشا ئازادی و رزگاریا کوردستانێ زڤراندن بۆ دژایەتیا هەرێما باشوورێ کوردستانا رزگارکری ، ل وی دەمی من باوەری ب کوردستانیبوون و شۆڕەش و رزگاریا پەکەکێ نەبوو لێ هێشتا ل وی دەمی تازە بۆ خەلکەکی گۆمان لسەر کوردستانیبوونا وان چێبوو . هەرچەندە سەرکردایەتیا سیاسی یا هەرێما کوردستانێ و حکومەتا هەرێمێ ب تایبەت و بەری هەمی یا سەرۆک مەسعوود بارزانی شەرێ برا کۆژیێ ماندەل و حەڕام کریە و دژی هەر شەڕەکێ ( کوردی ــ کوردی ) نە ، لێ ئەڤە بریارەکا ئێکلایەنی یە و لایەنی بەرامبەر ڤێ بریار و پرنسیپەی ب دەلیڤە دزانیت بۆ موکۆمکرنا شۆنپێ و پێگەهێ خۆ ل هەرێما کوردستانێ بو زێدەتر بجهئینانا مەڕامێن داگیرکارا دەستێن خۆ دناڤ دەستێن داگیرکارا ڕا موکۆم کرنە بۆ لاوازکرن و دژایەتیا هەرێما کوردستانێ . پەکەکێ ئێکلایەنی شەرێ برا کوژیێ ڕاگەهاندی یە چ ب کوشتنا پێشمەرگەهــ و ئەندامێن هێزێن ئێمناهیێ یان داگیرکرنا ب سەدان گۆندێن باشوورێ کوردستانێ و ئاوارەکرنا خەلکێ وان ، ژبلی خۆشکرنا دەلیڤێ بۆ راکێشانا لەشکرێ وەڵاتێ تورکیا بۆ ناڤ ئاخا هەرێمێ و بۆمبەبرانکرنا گۆندان . خەلکێ کوردستانێ ب گشتی دگەل بریارا سەرۆک بارزانی یە بۆ نەرێتنا خوینا کوردا ب دەستێ کوردا ، لێ د هەما دەم دا خەلکێ باشوورێ کوردستانێ ئێنماهی و ئاڤەدانی و بەختەوەری دڤێت لبن سێبەر و دەسهەڵاتداریا حکومەتا هەرێما کوردستانێ ، مخابن ئەو کوردێن ئەم ب برا هژمار دەکەین خەلکێ مە لڤێ چەندێ بێ بەهر کریە و ب سەدان گۆندێن کوردستانێ چۆلکرنە و زیانەک مەزن ژلایێ ئابووری و جڤاکی و ئێمناهی گەهاندی یە و بوویە مەترسیەکا مەزن لسەر هەرێما کوردستانێ ب گشتی . ئەڤا پەکەکە دکەت خزمەتەکا هەرە مەزنە بۆ دوژمن و داگیرکارێن کوردستانێ نەک کوردایەتی و نەتەوایەتی یە . ئەگەر پەکەکە کورد و کوردستانی بانە ، دا رێزێ ل خوشک و برایێن خۆ یێن باشوورێ کوردستانێ و قەوارێ هەرێما کوردستانێ گرن نەک بۆ لاوازکرنا پێگەهێ هەرێما کوردستانێ و تێکدانا ئارامیا وێ بنە پشکەک ل پیلانێن نەیارا و پەیوەدیان دگەل ئیرانێ و حەشدا شەعبی گرێدان ژبلی راکێشانا لەشکرکێشیا تورکیا . دڤێرەدا دیار دبیت کۆ سەرکردایەتیا پەکەکێ بناڤێ کوردایەتیێ ، جەماوەر و لایەنگیرێن خۆ بسەردابرنە و بووینە پشکەک ل پیلانەکا هەرێمایەتی دژی بەرژەوەندێن هەرێما کوردستانێ و خەلکێ وێ و سەرکردایەتیا سیاسیا هەرێما کوردستانێ بتایبت پارتی دیموکراتی و حکومەتا هەرێما وەکی دوژمنێ خۆ و لایەنگیرێ وەلاتێ تورکیا نیشا خەلکێ خۆ ددەن . پێتڤی یە خەلکێ باکوورێ کوردستانێ و جەماوەر و رێکخستنێن پەکەکێ و لایەنگرێن وان ئیدی ڤێ راستیا پەکەکێ بزانن و زێدەتر قەبۆل نەکەن زیانێ بگەهیننە ڤی دەسکەفتێ دیرۆکیێ خەلکێ کوردستانێ و بزڤرن بۆ برایەتیا کوردستانیا و بریار و پرنسیپێن ئاشتیخوازی و برایینیا سەرۆک مەسعوود بارزانی ئەرێ بکەن نەک بکەنە دەلیڤە بۆ زێدەتر تێکدانا ئارامیا کوردستانێ و بجهئینانا مەرامێن نەیار و داگیرکارا . خەلکێ کوردستانێ ژی ئارامی ، برایەتی ، ئاشتی و ئازادی دڤێت نەک برا کۆژی و برایێن شەرخواز . ئەم هەواڵە 12091جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad