2021-07-14 [05:58 AM]

سرکەی سێو ئەگەر بەشێوەیەکی رێک و پێک بەکاربھێندرێت ئەوا چەندین سوودی گرنگی ھەیە لەوانەش : 

•    ئەگەر پێش نووستن بیخۆیت یارمەتیدەر دەبێت بۆ کەمکردنەوەی رێژەی شەکری کلۆکۆز لەناو خوێن کاتێک لە خەو ھەڵدەستیت ئەمەش کاریگەری ئەرێنی دەبێت لەسەر تەندروستیت و چالاکی رۆژانەت. 

•    ئەگەر سرکەی سێو لەگەڵ ھەندێک ئاو بخۆیت ئەوا یارمەتیت دەدات لە ھەرسکردنی خواردن و چارەسەری سکچوون دەکات. 

•    ئەگەر توشی نزگرە(بەرچیچنکە) ھاتیت ئەوا کەوچکێک لە سرکەی سێو بخۆوە و کێشەکەت چارەسەر دەبێت. 

•    سرکەی سێو یارمەتیدەرە لەسەر کەمکردنەوەی رێژەی کۆلیسترۆل لە لەش . 

•    یارمەتیدەرە بۆ کەمکردنەوەی جەڵتەی دڵ، بە تایبەتی ئەگەر کەم کەم لێی بخۆیت و ھەروەھا پاڵەپەستۆی خوێن دادەبەزێنێت. 

•    خواردنەوەی سرکەی سێو یارمەتیدەرە بۆ لەناوبردنی چەوری لەش و نەھێشتنی قەڵەوی و ھەروەھا بۆ کەمکردنەوەی شەھیەی خواردن و کەمکردنەوەی کالۆری لە لەش . 

•    سرکەی سێو کاریگەری ھەیە لەسەر ئاوسانی جومگەکان، ئەمەش دەکرێت پێش نانخواردن لەگەڵ ئاو تێکەڵی بکەیت و بیخۆیتەوە بەمەش ئازاری جومگەکان کەم دەکاتەوە. 

•    سرکەی سێو ئەگەر لەگەڵ ئاو تێکەڵی بکەیت و بیخۆیتەوە یارمەتیت دەدات لەسەر دوورکەوتنەوە لە نەخۆشی گرژبوونی خوێنبەرەکان.