2021-08-11 [04:02 AM]

لەوانەیە ھەندێک جار ھۆکارێکی دیاریکراو نەبێت بۆ قەبزی منداڵ ، بەڵام بەشێوەیەکی گشتی ھەندێک ھۆکار ھەن کە وا دەکەن منداڵ تووشی قەبزی ببن لەوانەش : 

• منداڵەکە ناچێتە ئاودەست ، ئەمەش ھۆکار زۆری ھەیە لەوانە ، منداڵەکە بە ئارەزووی خۆی ئەو کارە ناکات و دەیەوێت بەردەوام بێت لە یاریکردن ، یاخود پێشووترھەستی بە ئازار کردووە و ترسی لە دووبارە بوونەوەی حاڵەتەکە ھەیە ، ئەمەش ھێندەی دیکە کارەکە قورستر دەکات ، ھەندێک جاریش بەھۆی ئەوەی ئاودەستی قوتابخانەکان پاک نین و منداڵەکە ناچێتە ئەو شوێنانە . 
• قۆناغی گواستنەوەی منداڵ لە شیردانی سروشتی بۆ شیردانی قووتوو، ئەو منداڵانەی شیری دایکیان دەخۆنەوە کاری پیسایی کردنیان ئاسانترە لەو منداڵانەی شیری قووتوو دەخۆن . 
• خواردنی ئەو خۆراکانەی کە مادەی ریشالی تێدا نییە و ھەروەھا کەمی شلەمەنی لە لەش و ھەندێک ئەو منداڵانەی شیرینی زۆر دەخۆن زیاتر تووشی قەبزی دەبن . 
• توشبوون بەھەندێک نەخۆشی کە دەبنە ھۆی قەبزی لەوانەی تووشبوون بەکەمی کاری رژێنی دەرەقی کە دەکرێت لەتەمەنێکی بچووک دەست نیشان بکرێت ، ھەروەھا ئەو منداڵانەی نەخۆشی شەکرەیان ھەیە ، یاخود کێشەیان لە کۆئەندامی دەمار ھەیە زیاتر تووشی کێشەی قەبزی دەبن 
• ئەو منداڵانەی تووشی شەلەلی بوونە زیاتر مەترسی قەبزیان لەسەرە بەھۆی ئەوەی جولەیان کەمترە . 
• ھەروەھا ئەو منداڵانەی زۆر بەرکەوتەیان لەگەڵ مادەی رەساس ھەیە زیاتر رووبەرووی کێشەی قەبزی دەبنەوە.