|
نوسینی : رێبوار حه‌مه‌لاو شوانى پێگەی ستراتیژی كوردستان لەبەر بوونی لەشوێنێكی هەستیار گرنگی هەیە لە سەر ئاستی ناوچەكە و هەموو دونیادا ،ئەوە ووڵاتانی چ زلهێز یان ئەوەتا ووڵاتانی داگیركەر هەمیشە ویستیان هەبووە جێگەی خۆیان لەو شوێنە گرنگ و ستراتیژییەی جیهان بكەنەو هەر ئەمەش وای كرد ببێتە شوێنی خەبات و تێكۆشان بۆ بەرخۆدانی نەتەوەیی كورد لە پێناو ڕەتكردنەوەی ژێر دەستی و پاشكۆیی و گەڕاندنەوەی مافەرەواكانی ..
ئێمەی گەلی كورد، وەك نەتەوەیەكی ڕەسەن و خاوەن ماف زەوتكراو و خاك داگیركراو خاوەن نیشتیمان و قەوارەی تایبەت و ڕەسەنایەتی تایبەت بە خۆمان نین ، بەڵام بە هۆی بەرژوەندی زڵهێزان و چاوچنۆكی داگیركەرانی خاكمان تا ئێستا خاوەن دەوڵەتیی خۆمان نین !، هەر چەندە خەبات و تێكۆشان و قوربانیدانی بێ وچانمان بەردەوامە بۆ بەدەسهێنانەوەی ئەو مافەرەوایە هاوشێوەی هەموو گەل و نەتەوەكانی ناوچەكە .
ئەگەر ئاورێك لە مێژوویی پر سەروەری و شانازیمان و قارەمانیمان بدەینەوە، بە تایبەت هەڵوێستی ئەو رابەر و سەركردانەی كە دوایین سات رووبەرووی دوژمنان و نەیارانی كوردستان بووونەوە لە پێناو فەراهەمكردنی ئاسۆیەكی پرشنگدار ، بەڵام ئەوەی جێگەی شانازیی هەمیشەییە كە هەرگیز سازشی بۆ نەیارانی كورد و داگیركەرانی كوردستان نەكردووە ، سەڕەرایی دژایەتیی سەرسەختانەی دوژمنان بۆ رێگریكردن لە بەدەوڵەتبوونی كوردستان . بەڵام مێژوو و خەباتی گەلەكەمان و رابەرایەتیی دڵسۆزانە و ژیرانە بەها و سەنگێكی جوانی بە مێژوویی كورد وكوردستان بەخشیووە.
ناحەزانی گەلەكەمان لە پێناو ئەوەی كە گەلی كورد هیچ كات بە ئامانج و مافەرەواكانی نەگات ئەوا بەردەوام هەوڵی پەرتەوازەیی نێوماڵی كوردستانیان داوە ، چ بە شێوەی ڕاستەوخۆ یانیش لە لایەن بەكرێگیراو و خۆفرۆشانەوە تا درز وكەلێن بخەنە نێو ریزەكانی خەباتی رزگاریخوازی كوردستانەوە ، بەڵام بەهۆی خۆراگری گەلەكەمان و ژیری و خوێندنەوەی وردبینانەی سەركردایەتیی بزاڤی كوردستان ، ئەوا هەموو ئەو هەوڵانە رووبەرووی شكست و هەڕەسهێنان بوونەتەوە .
ئەوەی جێگەی هەڵوەستەكردنە ئەوەیە، كە هەر بزاڤ و تێكۆشانێك بە بێ بوونی رابەر و سەركردەیەكی خۆراگر و بە ئەزموون و كوردپەوەر و نیشتیمانپەوەر ، ئاستە دەبوو لە خەباتكردن بەردەوام بێت ، لەو ڕوانگەیەوە ، بوونی ئەو سەركردایەتییە بڵیمەت و خۆنەویست و فیداكارانە ویستەكانیان تێكەڵ بە گەل و خاك و نیشتیمان ووڵاتەكەیان بووە و مێژووییەكی پر سەروەری و پر شانازیی لە لاپەرەكانی بزاڤی رزگاریخوازی كوردستان دا تۆمار كردووە ، كە هەمیشە بە زیندوویی و سەربڵندی یادی دەكرێێتەوە.
لێرەدا، ئەگەر هەڵوەستە لە سەر خەبات و تێكۆشانی زیاتر لە سەدەیەكی بنەماڵەی بازرانیی و وەك سیمبوڵی نەتەوەیی كورد وكوردستان بكەین ، ئەوا ئاوێتەی مێژوویی خەباتی كورد وكوردستان بووە و لەیەكتر جیاناكرێنەوە ، بۆیە، دەتوانین بڵێن و حاشاهەڵنەگرە كە بارزانیی و كوردستان لەیەكتر جیاناكڕێنەوە و چونكە لە هەموو روویەكەوە ئەو مێژوو و خەبات و تێكۆشان و جوانییە بەیەكتر بەستراونەتەوە .
ئەگەر زیاتر لە لاپەرەكانی مێژوویی خەباتی رەوایی نەتەوەكەمان دا بچینەوە، لە هەر شوێنك شۆڕش و تێكۆشان لە دژی داگیركەرانی كوردستان لە رابردوو و بە ئێستاشەوە هەبوو بێت ن ئەو بارزانیی بە گشت توانایەكەوە پشتیوان و فڕیاد ڕەس بووە ، هەر ئەوەشە كە دوژمنان وداگیركەرانی كوردستان بارزانیی و كاروانە خەباتە پر شانازییەكەی بەگەورەترین كۆسپ و بەردەم پیلانگێرییەكان و خەونە نەزۆكەكەیان دەزانن ، چونكە ئیرادەی كوردپەوەری و ڕەتكردنەوەی ژێر دەستی كە سەرچاوەكەی قوتابخانەی كوردایەتیی و رێبازی بارزانییە لە نێو رۆح و خوێنی ئاوێتە بووە ، ئیتر ئەو قۆناغانە سەرچوون و گەلی كورد زۆرە لەوە هوشیارتر و بەئاگاترە كە جارێكی تر بكەوێتە داویی ناحەزانی كورد وكوردستان و هیچ دەست و تاخمەیەك ناتووانێت ئیرادەی كورد بخەنە مەترسییەوه، ئامانج و هەنگاوەكانی گەلی كورد بە رابەرایەتیی بارزانیی بەرەو پێشەوە و لووتكەن .
ئەم هەواڵە 10168جار خوێندراوەتەوە |
