|
نڤیسینا : نەوزاد زادە ئەگەر ئەم بزڤرینەڤە بۆ دیرۆکا پر سەروەریا پارتی دیموکراتی کوردستان کو ئەڤە نێزکی (۷٥) سالانە د قادا خەباتی و تێکوشین و بەرخودانێ دایە ب رێبەرایەتیا بابێ روحیێ نەتەوا کورد مستەفا بارزانی و رێبەرێ نەتەوا کورد سەروک مسعود بارزانی, دێ سەرھەلی گەلەک دەستکەفتان بین، چونکی پارتی دیموکراتی کوردستان ھەردەم دقوناغێن بەرخودانێ دا بوویە وب ھویر بینی سەرەدەری دگەل دۆھێلی و واقعی کریە, ئەڤرۆ ژی ئەم یێ دبینین پروژێ نەتەوەی ونیشتمانی یێ سەروک بارزانی بۆ پارێزگاریکرنا ل ڤان دەسکەفتیان وپاراستنا قەوار هەرێما کوردستانێ ئاڤەدانکرنا کوردستانێ ،ئارمانجێن دی یێن نەتەوەیی ، بوویە ئێک ژ گرنگترین بویەرێن سیاسی دگۆرەپانا روودانێن ئەڤرۆ دا دھێنە دیتن، نە بتنێ لسەر ئاستێ ھەرێما کوردستانێ، بەلکو لسەر ئاستێ نیڤدەولەتی ژی، ئەڤە ژی نیشانێ خەمخوری و دلسوزی یا ویە ،
لەوما فەرە ئەڤرۆ ھەمی خەلکێ کوردستانێ و ب وژدانڤە ل سەر ئەڤی ھەلویستی رابوەستن و دەنگێ خو بدەنە کاندێن پارتی دیموکراتی کوردستان ژبەرکۆ سەرۆک بارزانی و پارتی خودانێن چەندین پروژەیێن نەتەوەیی بووینە و سەروک بارزانی مرۆڤەکێ کارێزما و دویربین بوویە, باشترین بەلگە ژی بۆ ڤێ چەندێ لسەر ئاستێ جیھانی کەسایەتیەکێ ب ھێز کاریگەرە دچارەسەرکرنا زۆربەیا کێشەیێن رۆژھەلاتا ناڤین، ئەگەر مرۆڤ ب وژدانڤە بزڤریتەڤە بۆ وان دەستکەفتیێن نەتەوەیی ئەوێن ل سەر دەستێَ جەنابێ سەرۆکی بدەستڤە ھاتین، ب دەستکەفتێن مەزن دھێنە ھژماردن دبزاڤا رزگاریخوازا کورد و کوردستانێ دا، کو نە بتنێ ب وی چاڤێ ئەم دبینین، بەلکو ھەتا نەحەز و نەیار ودوژمنێن مەژی دان پێدان لسەر وان دەستکەفتان کریە, چەوا ل سالا ١٩٤٦ێ لژێر ئالایێ پیروزێ کوردستانێ ل مەھاباتێ ژدایک بوویە ھەروەھا سۆز ژی دایە کو ل پێناڤ بلندکرنا وی ئالایی گیانێ خو ژی بکەتە قوربانی، ئەڤە ژی زڤریتەڤە بۆ قوتابخانەیا راستەقینە یا بارزانێی نەمر کو وەک پێشمەرگەیەک ھەردەم ئامادەبوویە گیانێ خۆ بۆ ڤێ ئاخا پیرۆز بکەتە قوربانی, کو ل وی دەمی و ھەتا نھا ئەڤ دروشمە لدەڤ ھەیە، ھەر چەندە پشتی مالئاڤاھیا بارزانیێ نەمر و سازدانا کونگرێ نەھێ یێ پارتی دیموکراتی کوردستان ل سالا ١٩٧٩ێ رابەراتیا پارت دیموکرات کوردستان کریە، لەورا ب دەھان داستانێن مەزن ل سەر دەستێن جەنابێ وی ھاتینە تومارکرن مینا داستانا خواکۆرکی و گەلەکێن دی، دیسان خودانێ پێشبینیا راپەرینا جەماوەریا بھارا سالا ١٩٩١ بوویە, و ھەروەسا سەرۆکێ بەرەیێ کوردستانێ بوویە و ئەندازیارێ پێکڤە ژیانێ و چەسپاندنا دیموکراسیەتێ بوویە ل ھەرێما کوردستانێ و خودانێ ھەلگرتنا درۆشمێ (کوردستان یان نەمان) بوویە و ئێک ژ ھزمەندێن دروستکرنا ھیلا (٣٦) سیە و شەش دگەل وەلاتێن دوست ب تایبەتی وەلاتێ فرنسا ھەتا کو بریارا (٦٨٨) یا دژە فرینێ ھاتیە دان ل دژی رژێما (بەعس) ل نەتەوەیێن ئیکگرتی، کو شیانێن وی یێن بەردەوام گەھشتنە وێ چەندێ بۆ دامەزراندنا پەرلەمانی وحکومەتا ھەرێما کوردستانێ ب رەنگەکی دیموکراسی دھەلبژارتنان دا, ھەروەھا ئێک ژ کەسایەتیێن ھەر بەرچاڤ و رۆلەکێ گرنگ ھەبوویە دبەرنامەیێ ئێخستنا رژێما بەعسا گۆر ب گۆر وەکو پشکدارەک دکونگرەیا لەندەن و ھاڤینگەھا سەلاحەدین، دگەل ئوپۆزسیۆنا عێراقی, و چەسپاندنا مافێ نەتەوا کورد کو دووەم نەتەوەیە ل سەر ئاستێ عێراقێ و مافێن کێم نەتەوەیا د دەستورێ عێراقێ و مادا سەد وچل و ناڤێ پیروزێ پێشمەرگەی وەکو ھێزەکا بەرگریکار بۆ پاراستنا ھەرێما کوردستانێ دچارچویڤێ عیراقا فیدرالدا و رەتکرنا سیستەمێ فیدرالی بۆ پارێزگەھان کو ھەردەمەکێ عێراق پابەند نەبیت ب دەستورێ عێراقێ کوردان مافێ جودابوونێ ھەبیت دیسان بلندنەکرنا ئالایێ بەعسیان لسەر دام و دەزگەھێن میری ھەتاکو ئالایەکێ نوی بۆ عێراقێ ھاتیە دانان دروستکرن و ب دەستڤەئینا مافێ سرۆشتی دیاسایێن ھەرێما کوردستانێ دا بۆ ڤەژاندنا بارێ ئابووری و دەرھێنانا سامانێ سرۆشتی مینا سامانێ پترۆلێ و فرۆتنا وێ ب رەنگەکێ سەربخو، کو ئەڤرو بوویە ژێدەرکێ سەرەکی بۆ ژیانا خەلکێ کوردستانێ و ئینانا ب دەھان کۆمپانیێن بوارێ پترولێ بۆ ھەرێمێ ب تایبەت ێن وەلاتێن زلھێز و ئەقلیمی, ھەردەم ژی ل دژی داگیرکەرێن کوردستانێ راوەستیایە و ب چو شێوەیەکی نەھیلایە ھیچ سوپایەکێ بیانی ئاخا پیرۆزا کوردستانێ داگیربکەن بەلگە ژی بوڤێ جەندێ پێشمەرگەهێن قەرمانێن سەروک بارزانی ل پردێ و سحلا و محمودی هید.. دفنا دوژمی شکاند و دروشمێ خونەجەماندن هاتە تومارکرن سەرەرای وێ خیانتا کو هاتیەکرن ل ۱٦ئوکتوبەرێ و ممکومکرن و دروستکرنا پەیوەندیێن سیاسی و ئابووری و کومەلایەتی دگەل وەلاتین جیران، نەمازە دگەل وەلاتێ تورکیا بۆ چارەسەرکرنا کێشەیا کوردێن باکوور کو ب رەنگەکێ دیالوک ئاشتیانە بێتە چارەسەرکرن،بھێزکرنا ھەرێمێ ژ ئالیێ دبلوماسی لسەر ئاستێ ھەرێمی و نیڤدەولەتی و ئینانا ھژمارەکا زۆرا کۆنسولخانە و نڤیسینگەھان ب تایبەتی یێن وان وەلاتێن ھەمیشەیی دنەتەویێن ئێکگرتی دا یان وەکو وەلاتێن پێنچ کو ئێک, ھەر ل پشتی ھێرشا تیروریستێن داعش بۆ سەر دەڤەرێن ھەرێما کوردستانێ کو ئێک ژ پیلانێن دارشتی بوو، سەرۆک بارزانی سەرپەرشتیا راستەوخویا ھێزێن پێشمەرگەهێ قەھرەمان کر دبەروکێن شەری دا بۆ تێکشکاندنا ئەفسانەیا تیرورستێن داعش، کو ھەتا ئەڤرۆ ژی رولێ وی یێ دیار و بەرجاڤ دشەرێ تیرۆرێ دا، کو ھەر ئەڤ رۆلە بوویە جڤاکێ نیڤدەولەتی پشتگیریا ھێزا پێشمەرگەی و پاراستنا کوردستانێ بکەن, فەرە ئەڤە ژی ل بیرا مە نەچیت کو ھەردەم سەرۆک بارزانی ب چاڤەکێ نەتەوەیی و نیشتیمانی بەرێ خودایە دۆزا رەوایا گەلێ کورد ل ھەر چار پارچێن کوردستانێ، پەلگە ژی بۆ گۆتنا مە ھنارتنا ھێزا پێشمەرگەی و چەکی و ھاریکارێن مادی و پشتگیریا نیڤدەولەتی بۆ کوردستانا رۆژئاڤا و بتایبەتی باژێرێ کوبانێ بوویە، کو شیا سنورێن سێ دەولەتان ببرن و دەولەتەکا مینا تورکیا ژی رازی بکەت بۆ دەربازبوونا ڤێ ھێزێ دئاخا وان را تا کو گیانێ وەلاتیێن کورد بھێتە پاراستن ژ دەستێ تیرۆرستێن داعش, ئەنجامدانا ریفراندومێ ل ۲٥ / ۹/ ٢٠١٧ کە ب رێژا ۹۳ سەدێ خەلکێ کوردستانێ دەنگ بۆ دا هەرجەندە دوژمن و نەحزو و خوفروشێن ۱٦ئوکتوبەرێ خیانەت ل هەمی خەلکێ کوردستانێ کر ، لێ ریفراندومێ وەکو بەلگەهکێ دیروکی یاسایی د روژەکێ دا هەر مفا ژێ هێتە وەرگرتن ، لەوما ئەڤە دلوپەکە ژ دەریایەکێ ل وان دەستکەفتیێن نەتەوەی و مێژووی کو لسەر دەستێ سەروک بارزانی ھاتینە بجە ئینان، لەورا ئەڤرۆ ژی ھەر ل سایێ وان دەستکەفتان وەلاتپارێزێن کوردستانی ل بەندا جەنابێ وی نە، تاکو خوینا شەھیدێن سەربلند و ماندیبوونا گەلێ مە و گیانفیدایا پێشمەرگەی ب ھەرۆ نەجیت، کو باشترین دەرفەت ھاتیە درۆژەڤێ دا سەر ئاستێ رۆژھەلاتا ناڤین و نێڤدەولەتی بتایبەتی ئەڤ گۆرانکاریێن چاڤەرێ کری بۆ تاکو جارەکادی ئەنفال و کیمیاباران و ھەلەبجە و سایکس _بیکو و لۆزان و جەزائیر و ب عەرەبکرن، دووبارە نەبنەڤە، و کورد ژی ب مزگینیا راگەھندنا دولەتێ شادببن، دڤێت ب ئێک دەست و ھێز پشتەڤانێن بریار و فەرمانێن جەنابێ سەرۆک بارزانی بین. دەنگی خۆ بدینە کاندیدێن پارتی دیموکراتی کوردستان .داکو جارەکا دی خۆفروش ل بەغدا دژاتیا قەوار هەرێمێ و دژی ماڤێن خەلکێ کوردستانێ نەوستن و خیانەتا ۱٦ئوکتوبەرێ دووبارە نەبیتەڤە دەنگێ خو بدەن کاندیدێن پارتی دیموکڕاتی کوردستان ، پارتیەکا بهێز بو کوردستانەکا بهێز کو بشێت بەرەڤانێ ل ڤان دەسکەفتیا و ئارمانجێن دی بکەت.
ئەم هەواڵە 3079جار خوێندراوەتەوە |
