|
نوسینی : رێبوار حەمەلاو شوانی هەر لە شەڕی جیهانی تیرۆر و پیلانگێرییەكان دژی قەوارەی هەرێم و ئینجا گەمارۆی دارایی و دیپلۆماسی و ئابووری و دواتر تێكشكاندنیان و ئینجا لە ماوەی نزیكەی سێ ساڵی رابردوو ، جارێكی دیكە ، دابەزینی نرخی نەوت ، بڵاوبوونەوەی ڤایرۆسی كۆڤید19 ، بڕینی بەشە بودجە و مووچەی كوردستان لەلایەن دەسەڵاتدارانی بەغدا ، ئینجاسیناریۆ نێوخۆییەكان و قاچاقچێتی و كاری نائاسایی لە سەر ناوچە سنوورییەكان ،ڕێگریكردن لە هەوڵەكانی پەكەكە بۆ شەڕفرۆشی لەگەڵ پێشمەرگە و چەندین ڕووداو و پێشهاتی نەخوازراو كە خۆڕاگری و پشوو درێژی بەرامبەریان كەسایەتیی بەهێز و پۆڵایینی دەوێت ..!
مێژوو سەڵماندی كە مەسروور بارزانیی پیاویی كردەوەیە ، بەو واتایەی كەمتر دەدوێت و زۆرتریك هەنگاویی كردەیی هەیە، ئەوەش بۆ ئەوە دەگەڕێتەوە كە یەكەم پەروەردەی قوتابخانەیەكی كوردایەتیی و رێبازی بارزانییە و ئینجا ئەزموونێكی باشی لە رووی پێشمەرگەبوون، ئەمنی ، سیاسی ، دیپلۆماسی لە ماوەی چەند ساڵی رابردوو بە دەستهێناوە بەتایبەت ئەو كاتەی كە بەرسیاریەتیی گرنگترین دەزگەی ئەمنی كوردستانی لە نێو ناوچەیەكی پر لە كێشە و ئاڵۆزییدا بە ئەستۆ بووە و زۆر سەركەوتووانە توانی قەوارەی هەرێمی كوردستان لە مەترسیدارترین پیلانگێری و پەڵامارە تیرۆریستیەكان بپارێزێت بە تایبەت شەڕی جیهانی تیرۆر كە سەركەوتووانە ناوی هەرێمی كوردستانی گەیاندە لووتكەی پرشانازی.
بۆیە، مەسروور بارزانی سەرۆكی حكومەتی كوردستان بە ئەزموونی دوێنی و ئێستا دەوڵەتداری ، خوێندنەوە و مامەڵەیەكی وردبینانە و ژیرانەی لەگەڵ هەوڵی نەیارانی ئەم قەوارەیە هەیە، لە هەمانكاتیشدا لە نزیكەوە لەگەڵ خەم و ناخۆشییەكانی كوردستانیانە و گشت هەوڵەكانی لە چوار چێوەی چارەسەری هەموو كێشە و گرفتەكانە و رووبەڕووبوونەوەی پێشهاتەنەخوازراوەكانە .
بەتایبەت ، كە لە بوارەكانی چاكسازی و پاكسازی لە گشت جومگەكاندا هەنگاوی وردی هاویشتووە كە هیوا و ویست و ئومێدی خەڵكی كوردستان و گشت دڵسۆزانە و ئەگەر چی هەنگاویی سەختن بە ڵام بارزانی سەرۆكی حكومەتی كوردستان بە شێوەی كردەیی و هەنگاو بە هەنگاو بە پێی پلان و ستراتیژی چوونەتە بواری جێبەجێكردنەوە ، ئەوەش سروشت و خەسڵەتی پیاویی دەوڵەتدار و خەمخۆری گەل و نیشتیمانە ، بەو واتایەی هیچ گفت و بەڵێنێك نادات گەر نەتوانێت جێبەجێ یان بكات ، ئەوەش نیشانەی ڕاستگۆیی و حكومەتێكی خزمەتگوزارە بە شێوەیەكی گشتی .
لەگەڵ هەموو ئەو هەوڵانەشدا ، ئەو كەس و لایەنانەی پشتیوانیی ئەو هەوڵانانە دەدەن وەك پەنجەی دەست هەژمار دەكڕێن و هیچ كات بە ووتەیەكی باشیش پشتیوانی ئەو هەوڵ و هەنگاوانەی سەرۆكی حكومەتی كوردستانیان نەكردووە ، تەنها لە ڕێگەی پروپاگەندنی میدیایی و سۆشیال مێدیاوە هەوڵی ڕەشبینی و بێ ئومێدكردنی خەڵك و هاندان بۆ نائاڕامی و چەواشەكاری نەبێت هیچ كارێكی باشیان نەكردووە ، ئەوەش ڕاستییەكی حاشاهەڵنەگرە كە مەسروور بارزانیی پیاوێكی بەهێزی حكومڕانییە ، چونكە لە نێو كۆمەڵێك كێشە و قەیرانی گەورە لە ڕووی ئابووری ، سیاسی و رووداوی سروشتی نەخوازراوە ، هەموو ئەو هەوڵانەی كە تێیدا ئامانج شكستپێهێنانی كابینەی نۆیەمی حكومەتی كوردستان كە یەكسانە بە رووخاندنی قەوارەی هەرێم بووەو و لەگەڵ ئەو هەوڵە نەزۆكانەشدا مەسروور بارزانیی ڕژد بوو لە سەر بەگژداچوونەوەی گەندەڵكاران و كۆكردنەوەی باج و داهاتە بەفیرۆچوو و بەتاڵانچووە كان و چاكسازی لە رووی مووچە و كاروباری ئیداری لە نێو دامودەزگانی هەرێمی كوردستان و ئینجا بونیاننانی چەندین پرۆژەی ستراتیژی لە رووی ئابووری و نیشتەجێبوون و ڕێگاوبان و كشتوكاڵ هەر لە زاخۆ وە تا حەلەبجە ، ئینجا رێكخستنەوەی مووچە، چاكسازی لە هێزەكانی پێشمەرگەو خەرجكردنی هاوكاری بۆكەس و كاری شەهیدانی شەڕی داعش، زۆر بابەتی دی، ڕووبەرووبوونەوەی تاقم و مافیا و گەندەڵكاران.
دەتوانین بڵێن كە هەموو ئەو هەنگاوە كردەییەكانی مەسروور بارزانیی لەماوەی زیاتر لە دوو ساڵ دەوڵەتداری ، ڕاستییەكەمان پێدەڵێت كە لە توانایی هیچ كەسێكی دیكە نەبوو لەو ماوە كورتەدا ، ئەو ڕێگە سەخت ودژوار ببڕێت بەڵام بارزانی بە هێزوتوانایەكی پۆلایینەوە و بەكردەوە و بوێرانە هەنگاویی دروستی هاویشت .
كۆی گشتی ئەو راستی و بابەتانە پێمان دەڵێن ، كە هەموو ئەو هەنگاوانەی حكومڕانیی مەسروور بارزانیی نەك بەدڵی دوژمنان و نەیارانی ئەو گەل و نیشتیمانە نەبووە ، بەڵكو گشت تواناكانیان لە رووی میدیایی،سیخوری و هەواڵگری خستەگەڕ تا ساردی بكەنەوە لە هەنگاوەكانی بەرەو كوردستانێكی بەهێزتر و گەشەسەندووتر ، ئەوە هیمای بەهێزی و پشوودرێژی كەسایەتیی مەسروور بارزانییە بۆ پیاویی دەوڵەتداری ..
ئەم هەواڵە 7678جار خوێندراوەتەوە |
