 |
|
|||
نازم شێخانی ئەگەرچی مانگی ئازار زۆر ڕوداوی ناخۆشی تیایە لەمێژووی گەلی کوردا ، بەڵام چەند روداو گەڵێکی تیایە کەسەرەوەرین بۆ گەلی کوردستان، لە 11 ئازاری هەموو ساڵێک یادی دوو ڕوداوی مێژووی دەکەینەوە ، ئەویش رێکەوتن نامەی یانزەی ئازار و راپەڕینە مەزنەکەی شاری هەولێرە ، بونەتە دوو ڕوداوی مێژووی کە دەست لەملانێ دەکەن . روداوی یەکەم ، رێکەونتی 11 ئازاری ساڵی 1970، کەرێکەوتنی نێوان رابەری روحی نەتەوەی کورد بارزانی نەمرو ،ڕژێمی عێراق بوو ، کەلەم رێکەوتنە بۆ یەکەمجار حکومەتی عێراق دانی بەمافی نەتەوەی کورد دانا ، ئەگەرچی ئەم رێکەوتنە کۆمەڵێک خاڵی ئەرێنی تیابوو ، کە بوە هۆی پاراستنی کلتورو ناسنامەی میللەتەکەمان بەتایبەت کردنەوەی قوتابخانە و خوێندن بەزمانی کوردی ، بەڵام بەهۆی ئەوەی ڕژێمی عێراق پابەندی رێکەوتنەکە نەبوو ، لەبەرامبەردا سەرۆکی نەتەوەی کورد بارزانی نەمر سازشی لەسەر شاری کەرکوک نەکردو ئەو کات کاری سیاسی چوە نێو قۆناغی سەرەتایی و جارێکی تر شۆرشی کورد لە باشوری کوردستان دژی ڕژێمی عێراق هەڵگیرساوە . ڕوداوی دوەم ، ڕاپەڕینە مەزنەکەی بەهاری 1991کەشاری هەولێر بوو دوای ئەوەی چەند شارو شارۆچکەیەک لە دژی ڕژێمی بەعس ڕاپەری ، بەڵام ڕاپەڕینی هەولێر قۆناغێکی نوێی بەخشیە کاری سیاسی لە باشوری کوردستان و بوە پاڵپشتیەکی بەهێز بۆ شارەکانی تری کوردستان ، ئەمەش وای کرد قیادەی کورد بەسەرۆکایەتی سەرۆک بارزانی بیر لەوە بکەنەوە تەپڵی سەرکەوتنی یەکجارەکی لە بادینانی سەرکەش و کەرکوکی دڵی کوردستان لێبدەن . رزگار کردنی شاری هەولێر تایبەت مەندی خۆی هەبوو ، چونکە یەکێکە لە شارە گرنگەکانی کوردستان باشور و هیچ کاتێک سەری خۆی بۆ دووژمن نەوی نەکردوە ، روخانی گوند و دێهاتەکان و شاڵاوی بەناو ئەنفال باشترین مێژوون ، چونکە ڕژێمەکان هەوڵیانداوە لەهەولێرەوە ناسنامەی میللەتی کورد رەش بکەنەوە ، هەولێریەکان بونە قەڵغانێک بۆ پاراستن و ناسنامەی گەلی کورد ئەمە خاڵێک ، خاڵێکی تر لەهەولێرەوە نەخشەی سیاسی ئایندەی کوردستان دارێژراوبوە هۆی بونیاد نانی بەرد بناغەی هەرێمێکی نێو دەوڵەتی ، کە ئێستا خاوەن پێگەیەکی بەهێزە لەرووی سیاسی و ئابوری لەناوچەکە ، ئەگەرچی دوژمنانی ناوەخۆ و دەرەوە لەهەوڵی ئەوەدان کە ئەم کیانەی لە هەولێرەوە بڕیاری سەربەخۆبونی بۆدەرچووە لەنێو ببەن ، بەڵام خۆڕاگری خەلکی هەولێر و بادینان وایکردوە ببێتە قەڵغانێک بۆ پاراستنی ئارامی و ئاوەدانی هەرێمی کوردستان و هەولێری پایتەخت ، بۆیە هەرکە یادی 11 ئازار دەکەینەوە باش دەزانین سەرکردایەتی کورد بەسەرۆکایەتی بارزانی نەمر لەرابردوو ، وە لە ئێستادا بەسەرۆکایەتی سەرۆک بارزانی چ خزمەتێکی گەورەیان پێشکەش بەناسنامە و کلتوری نەتەوەی کورد و گەلی کوردستان کردووە . سڵاو لە گیانی پاکی رێبەری کورد بارزانی نەمر و کاک ادریس همیشە لەیاد ، کە توانیان پارێزگاری لە ناسنامەی کوردایەتی بکات و زمانی کوردی لەپاڵ زمانی عەرەبی بەزیندوی بمێنێتەوە، بەتایبەت دوا رێکەوتنە مێژویەکی یانزەی ئازار ، وە سڵاولە گیانی شەهیدانی یانزەی ئازار کە بەخوێنیان قەڵای هەولێریان پاک کردەوە لەڕژێمی فاشستی بەعس .ئەم هەواڵە 7141جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad