2022-04-24 [01:45 AM]

کردنەوەو، کرانەوەی دەرگا دیبلۆماسی و پەیوەندییە نێودەوڵەتیەکان ، دەبێ جێگای دڵخۆشی و  ستایش بێت، 
ھەڵەیەکی کوشندەیە  بوون و پەرەپێدانی ئەم رایەڵانە نادیدە بگیرێ.  ئەوەش کوشندەیە کە لە لایەن تاک و ھێزگەلی ناوخۆییەوە،  ھەوڵی شێواندن و بەلاڕێدابردن و  گوایە  سفر کردنەوەیان بدرێ.
نەتەوەی  بێ دەوڵەت دەبێ لەم  بوون و  حزورەدا، ھەست بە ماھیەت و  وجودی خاک و خەڵک و خواستەکانی بکات .
دیدار و  سەردانەکانی چەند مانگی ھەردوو بەشی دەسەڵاتی جێبەجێکردنی ھەرێم  لە ئاستە  ناوخۆیی و دەولیەکاندا،  دەلالتێکە بۆ گرنگیمان،  بۆ ھەماھەنگیمان لە شانۆی دەولی .
زادەی کارامەیی و لێزانیشە، بە دامەزراوەیکردن و ئەرشیفەکردنیشیان  بەرپرسیارێتییە.
لێرەشدا  رووی  قسەیەکم لە ھاونیشتمانیانمە:
ھاونیشتمانی چەندە  لەگەڵ دەسەڵات ئۆپۆزسیۆن تەنانەت نەیاریش بێت، ماف و پرینسیپی ھاونیشتمانی  ئەو مافەی پێنادات  کە لەرێیەوە  باڵابوونی نیشتمان بە کەم ببینێ و ،  رق لەم ئەکت و کار و ئەرکە  دیبلۆماسیانە بگرێ  و ، ئەوراقەکان  شلوێ یا تێکەڵ بکات.
لای خۆم ھیوای سەرکەوتن و بەردەوامی  بۆ چالاکییە  دبلۆماسی و پەیوەندیەکانی ھەرێم دەخوازم و ،
بە گرنگیشی دەزانم کە لە رێی پەرلەمانەوە  گەلی کوردستانیان لێ ئاگادار بکرێت.
ساڵانە یان بە پێی پێشھات  .

د.عوسمان ویسی