|
نوسینی : رێبوار حەمەلاو شوانی دەسەڵاتدارانی عێراق بە زێهنیەتی خۆسەسپێنەرانەیان و تێكدانی هەموو بنەماكانی پێگەژیان و هاوسەنگی وسازان و هاوبەشی و بەكارهێنانی زمانی ئاگروئاسن و لە جیاتی دیموكراسی و مافی گەل و پێكهاتەكانی تەنیا بێ ئومێدی و شكست و جارێكی تر دیكتاتۆری جێهێشتووە و لێكەوتۆتەوە . بەتایبەت بۆ ئێمەی كورد ، دەسەڵاتدارانی بەغدا لە دوێنی و ئەمڕۆیشدا درێغییان نەكردووە و لە بەكارهێنانی هەموو جۆرە چەك و ئامرازێك بۆ نادیدەگرتن و شكاندنی شكۆو ئیرادەی گەلی كورد .
رابەری و سەركردە مەزنەكانی مێژووی نەتەوەكانی جیهان لە ناو جەرگەی شەر و ڕۆژگارە سەخت و یەكلا كردنەوەی پرسە هەستیارەكان، بە بریاردانی قورس و گەورە، پەنجەرەیەكێ ئومێد بۆ گەل ونەتەواكای خۆیان دەكەنەوە و وەرچەرخانێك لە مێژووی نەتەوە دروست دەكەن كە بەرەو سەرفرازیی و یەكجارەكی دابات . سەرۆك بارزانی لە پەیامەكانی ئەوسا و ئێستاشی دا بە جیهانی راگەیاند، چیتر عێراق ، ناتوانێت بەرگەی كارەسات و دیكتاتۆری و خۆسەپاندن بگرێت و هەر ئەوەش بوو كە ، لە رۆژی 25ی 9ی 2017 كوردستانیان دواجار پرۆسەی ریفراندۆمی بەشێوەیەكی دیموكراسیانە لە كەشێكی ئازادا ئەنجامدا بەرێژەی نۆهەدو دوو لە سەدا بەدەنگی 92.7% بەڵی بۆ سەربەخۆیی كوردستان وەك خواستێكی لە مێژینەی خەڵكی كوردستان بە جیهانی راگەیاند. چونكی پیێ وابوو عێراق لە ڕێرەوی هاوبەشی ،سازان ، هاوسەنگی ، دەستوور ودیموكراسی لایداوە و بەرەو تاكرەوی و دیكتاتۆری و پیشێڵی دەستور و ماف و خواستەكانی كورد لە پرەنسیپەكانی شەراكەت و دیموكراتی و دەوڵەتی مەدەنی ملی ناوە.
پێداگیری و سووربوونی سەرۆك بارزانی لەسەر ڕێزگرتن لە شكۆ وئیرادەی گەلی كوردستان بە ئەنجامدانی پرۆسەی رێفراندۆمی سەربەخۆیی وەك شۆڕشێكی شارستانیانە و دیموكراسیانە و مافی هەموو نەتەوە و گەلانی بەتایبەت بۆ ئێمەی كورد ، وێستگەیەكی دیكەی رێبەرایەتی بارزانی یە لە قۆناغە سەختەكانی نەتەوەدا. بەڵام جیاوازی هەڵوێست و پێداگری ئەمجارەی سەرۆك بارزانی لەسەر ئەنجامدانی ریفراندۆم بە هەر نرخێك بێت ، ئەوەبوو هەموو جیهان لەلایەك لەگەڵ ئەوەدا بوو ریفراندۆم دوا بخرێت و لە كاتی خۆیدا ئەنجام نەدرێت، بەبێ ئەوەی زەمانەتێكی باوەرپێكراوی نێودەوڵەتی بە گەلی كوردستان بدرێت بۆ ئایندەی ماف و خواستە نیشتمانییەكان لە بەر چاو بگیرێت.
ئەوەی بۆ خەڵكی كوردستان گرنگە بۆ یەكەمجار لە مێژووی كورد و ناوچەكە بەشێوەیەكی ئازاد و دیموكراتیانە وەك دەسكەوت و گەڵێكی خاوەن ئیرادە وشكۆ دەربری ماف و خواستە نیشتمانی و نەتەوەییەكانی خۆی بۆ سەربەخۆیی بكات . ئەنجامی ریفراندۆم كەلەسەر دەستی سەرۆك بارزانی قۆناغە سەختەكەی پێش ریفراندۆم بە سەركەوتوویی بری. بە هەمان شێوەش پشت و پەنای سەرۆك بارزانی بین .قۆناغی دوای ریفراندۆمیش سەرەرای هەموو فشار و هەرەشە و هێرشانەی دوژمن و ناحەزانی كورد وەك پێشمەرگە ئاسا لە گۆرەپانی بەرگری و پاراستنی ئیرادە و شكۆی و خاك و شەرەفی كوردستان دەستەوەستان نەوەستاوە لە سەنگەری بەرنگاری سەربەرزانەبكەینە ئامانجی سەرەكیمان تا دەما گەێنتە كەناری ئاڕامی . زاڵ بوون بەسەر هەموو ئەو كۆسپ و فشار و هەرەشانەی دۆژمنان و ناحەزانی كورد . بۆ ئەو باوەرەی جیهان دان بەو راستیە بنێت كە سەركەوتنی دیموكراسی لە ناوچەكە بەندە بە سەركەوتنی كوردستان لە گەیشتن بە ماف و ئازادی خۆیدا . چونكە لە رووداوەكانی ئێستای ناوچەكە و جیهان وایكردووە كە كوردستان بكەوێتە چەڤی ئاگر و نا ئارامیدا. بۆیە دەكرێ بڵێن هەموو ئەو هزر و زانستە سیاسی و ئابورییانەی كە وڵاتانی زڵهێز و ڕۆژئاوا سەدەیەكە وەكو شانازیەك بۆ مرۆڤایەتی باسییان لێوە دەكات . تەنها بە سەربەخۆیی و ئازادبوونی گەلی كوردو لەدایكبوونی دەوڵەتی كوردستان بەرجەستە دەبێت.
ئەم هەواڵە 6124جار خوێندراوەتەوە |