 |
|
|||
نڤیسینا:نوزاد زادە میلله‌تێ كوردیش ئێكه ل دێرینترین گه‌لێن ڤێ ده‌ڤه‌رێ , ب سه‌دان سه‌ركرده و قه‌هره‌مان و بلیمه‌ت رێبه‌راتیا ڤى كاروانه‌ی یا ب ده‌ستڤه گرتى و پێشه‌نگ و به‌رخودانیا نه‌ته‌وه‌یا خو یا كرى و بووینه سه‌ركێش , لێ هیچ رێبه‌ره‌كى و سه‌ركرده‌یه‌كێ كورد وه‌كى (بارزانیێ نه‌مر) رۆل و كاریگه‌رى له‌سه‌ر به‌ره‌ڤ پێشڤه برنا ته‌ڤگه‌را رزگاریخوازا گه‌لى كورد نه‌بوویه , هیچ سه‌ركرده‌یه‌كى ژى هندى ڤى تێكۆشه‌رێ مه‌زن له پێناڤ سه‌ربه‌خۆیێ و رزگاركرنا گه‌ل و نیشتمانى تاڵى و ئاواره‌یی و زه‌حمه‌ت نه‌دیتى یه, ملله‌تى كورد ژى هه‌ر ل ده‌سپێكا سییهان ل سه‌ده‌ێ بیستێ دا (بارزانى ) ب تاكه سه‌ركرده و رێبه‌رێ رزگاریخوازیا خۆ ده‌ستنیشان كریه، بارزانى سه‌ركرده‌یه‌كى بێ هه‌فتا یێ گه‌لێ كورده .چونكه مه‌زنایه‌تیا ڤى سه‌ركرده‌یه‌یى ناهێته باس و وه‌سفكردن، بارزانی نەمر شیا د شورەشا ئەیلولێ خەلکێ کوردستانێ کۆم بکەت ل ژێر ئاڵایێ پارتیەکا سەرانسەری کو د چارچووڤێ لوکالی دەرکەڤیت و بشێت ب شێوەیەکی واقعییانە و سەردەمانە جەماوەری رێک بێخیت و ئاراستە بکەت و ئارمانجێن نەتەوەیی ب دەست ڤەبینیت و كارێن گرنگ یێن بڵند د ماوه‌یێ ژیانا پرخه‌بات و تێكوشانێن وى یا بێ راوه‌ستان بهینته ئه‌زمان، هه‌رده‌م هه‌ر هێرشبه‌ر بوویه و هیچ ده‌مه‌كى پاش ڤه‌چوون ڤه‌گه‌ریان ڕامانا وێ نه‌زانى یه، بارزانیێ نه‌مر ئه‌و سه‌ركرده و هه‌لكه‌فتیه بوو كو دیروكا رزگاریخازا نه‌ته‌وا كورد دا بۆ ماوه‌یێ (60) سالان رێبه‌ر و سه‌ركردایه‌تیا كرى یه ودانایه سه‌ر ملێن خو ناڤێ وى یێ بوویه هه‌مبه‌رى شوره‌شا كورد هه‌تا رۆژا وه‌غه‌ركرناوى ژى ل 1ى ئادارا سالا 1979، لدویڤ را بوو سومبولێ هه‌رده‌م خه‌باتا ئازادیخازیا كوردستانێ، وه‌غه‌ركرنا بارزانیێ نه‌مر د روژه‌كا دژواردا ل وى ده‌مى دا بو فالاتیه‌كا مه‌زن بو ملله‌تێ كورد , لێ زیندی و به‌رده‌وامیا گه‌شه‌كرنا رێبازا پیرۆز ب رێبه‌ریا هێژا جه‌نابێ سه‌روك( مسعود بارزانى ) كه نه‌هێلا ئه‌ڤ ڤالایه‌تییا مه‌زن ب گه‌لێ كوردستانێ دیارببیت و ئه‌و برینێن مه‌زن تا راده‌یه‌كێ هاتنه سارێژكرن. بارزانیی ئه‌و سه‌ركرده‌یه كو شۆرشا ئه‌یلوولا مه‌زن هه‌ڵگیرساندى , چهێ شانازی و بده‌ست ڤه‌هێنان و پشته‌ڤانیا جه‌ماوه‌ریا و میلله‌تێ بێ هه‌فتا بوویه... باوه‌رى و متمانا خه‌ڵكى ب ڤى رێبه‌رێ بلیمه‌ت بو ئه‌گه‌را هندێ كو ب ده‌هان هزار ل كورێن نه‌ته‌وا كورد و كورێن گه‌لى كوردستانێ و كوردستانى ببێ جیاوازیا ره‌گه‌زى و ئایین و تایه‌فه‌گه‌رى ل بن ئاڵایى ڤى رێبه‌ره‌یى دا خه‌باتێ بكه‌ن و ل بن ئاڵایێ پیرۆزێ وى دا ڤه‌حه‌ویینن، و شیا بو جارا ئێکێ حکومەتا عێراقێ ناجار بکەت دان ب مافێن مللەتێ کورد بنێت بشێویەکێ فەرمی مینا رێککەفتنا یازدەی ئادارا سالا ۱۹۷۰ کە ئەو رێککەفتن بو بنەمایەکێ گرنگ و دیروکی کە مللەتێ کورد هەمی سەردەمان بکەتە بنەمایەکێ بهێز بو دەستڤەئینا داخوازیێن خو هەر وەکی راپەرینا پیروزا بهارا سالا ۱۹۹۱ درێژە پێدەرێ هەمان بنەمای بوو ، بارزانى ئه‌و رێبه‌ره یێ هه‌مى ژیانا خۆ ل پێناڤ دووزا ره‌وایا گه‌لێ كوردستانێ ته‌رخان كرى، و ب ئه‌گه‌را سه‌ركردایه‌تى كرنێ و زاناهیا وى و زوربوونا ئه‌زموونێ شیا دۆزا گه‌لى كورد ل هه‌مى لایه‌كێ به‌ره‌ڤ پێشڤه ببه‌ت و بوو ب ئێك ل وان سه‌ركرده و ریبه‌رێن هه‌ره دیاره د دیروكا بزاڤا رزگاریخوازا گه‌لێ كوردستانێ دا. بارزانى شیا وێ چه‌ندێ بسه‌لمینیت كو كه‌سه‌كی دى وه‌كو وى نیینه بكاریت كوردان ل بن ئێك چادرگه‌ه كۆمڤه‌بكه‌تن, وبوو ئه‌گه‌رێ وێ چه‌ندێ شیا داخازییێن گه‌لى كورد ب شێوه‌یه‌كێ وه بینته به‌رچاڤ كو ل پێش نه‌هاتینه كرن، و هه‌تا دوماهیك هه‌ناسه داخازیێن وى هه‌ر د واقعیی بوون، و شیا دوزا کورد بکەت دوزکا جیهانێ ب تایبەت د رۆژهەلاتا ناڤین دا ، ئەو بنەمایێن بۆ شورەشا ئەیلولێ داریشتی کرنە دەستپێک بو دۆزا کوردو کوردستانێ ، کە بهیچ شێوەیەکی دوزا رەوایا نەتەوا کورد بو پاش نەزڤریت بەلکو هەردەم پێشبکەڤیت ، ئەڤ کارە ب کارەکێ هەر گرنگ دهێت ئەژماردن د دیروکا پرسەڕوەریا کوردو کوردستانێ، کە ئەڤرو ژی هەمان رێباز یا بەردوامە . ئەم هەواڵە 2002جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad