 |
|
|||
ZNA - هەولێر لە درێژەی یارییەکانی هەفتەی 29ی خولی نایابی ئینگلتەرا، یانەی نیۆکاسلی چوارەم میوانداری مانچستەر یونایتدی سێیەم کرد.
لە ئەنجامدا یاریەکە بە دوو گۆڵی بێبەرامبەر لە سوودی نیۆکاسل یونایتد لە دژی شەیتانە سوورەکان کۆتاییهات.
لە تایمی یەکەمی یارییەکە هەردوو یانە هەوڵەکانیان چڕکردەوە بۆ تۆمارکردنی گۆڵ، بەڵام سەرکەوتوو نەبوون و ئەو تایمە بەبێ گۆڵ کۆتاییهات.
لە تایمی دووەمدا، نیۆکاسلی خاوەن هاندەر و یاریگا گۆڵێکی لە خولەکی 65 لە ڕێگەی یاریزان جۆی ویلۆك تۆمارکرد، دوای ئەو گۆڵە هەردوو یانە چەندین گۆڕانکاریان ئەنجامدا بۆ تۆمارکردنی گۆڵی زیاتر، ئەوەبوو کالوم ویلسۆن لە خولەکی 88 نیۆکاسلی کردە خاوەن دوو گۆڵ.
بەم شێوەیە، یانەی نیۆکاسل بەکۆکردنەوەی 50 خاڵ هاتە پلەی سێیەمی ڕیزبەندی، مانچستەر یونایتدیش بە هەمان خاڵەوە چووە پلەی چوارەم. ئەم هەواڵە 643جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad