 |
|
|||
ZNA- هەولێر محەممەد شیاع سوودانی، سەرۆکوەزیرانی عێراق، لەگەڵ محەممەد حەلبوسی، سەرۆکی پەرلەمانی عێراق کۆبووەوە و داوای کرد رەشنووسی یاسای بودجە، بەخێرایی پەسەندبکرێت. نووسینگەی راگەیاندنی سەرۆکوەزیرانی عێراق، لە راگەیەندراوێکدا رایگەیاند، ئێوارەی رۆژی یەکشەممە، محەممەد شیاع سوودانی سەرۆکوەزیرانی عێراق، لەگەڵ محەممەد حەلبوسی سەرۆکی پەرلەمانی عێراق لەسەر دۆخی گشتی وڵات کۆبوونەوە، لە کۆبوونەوەکەدا جەخت لەسەر کارکردنی بەرنامەکانی حکومەتدا کرایەوە، هەروەها دەبێت باشترین خزمەتگوزاری پێشکەشی هاوڵاتیان بکرێت و ئاستی ئابووری بەرەوپێشەوە بچێت. لەراگەیەندراوەکەدا ئەوەش هاتووە، "لە کۆبوونەوەکەدا باس لە رەشنووسی یاسای بودجەی فیدراڵی کرا کە کە لە ئێستادا خراوەتە بەردەم ئەنجومەنی نوێنەران، دەشڵێت، دەبێت بە خێرایی پەسەند بکرێت، بۆ جێبەجێکردنی مەرجەکانی بەرنامەی حکومەت لە رووبەڕووبوونەوەی بێکاری و خزمەتگوزاری و هەژاری، هەروەها چاکسازی ئابووری و سنووردارکردنی دارایی و گەندەڵی ئیداری. ئەم هەواڵە 556جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad