 |
|
|||
نڤیسینا:نوزاد زادە یا خویایە پشتی رێککەفتناما جەزائیرێ کو د دناڤبەرا رژێما گوربگورا بەعس و شاهێ ئیرانێ هاتە ئیمزاکرن کو ئەڤ رێککەفتنامە پیلانەکا هەریمێ و نیڤدولەتی بوو ل دژی شورەشا ئەیلولێ کو ب ئاگەهداری و پشتگیرییا وەلاتێن زلهێز یێن وی سەردەمی ب تایبەت ئەمریکا هاتە ئەنجامدان، ئەڤ پیلانە بوو ئەگەری هندێ کو شورشا ئەیلولێ تووشی نسکویێ ببیت، بەلێ پارتی دیموکراتی کوردستان چ جاران بێ هیڤی و ئومێد نەبوویە چونکە هەمی گاڤان باوەری و پشتبەستن ب گەلێ کوردستانێ کریە لەوما سەرکردایەتیا پارتی دیموکراتی کوردستان ل ژێر چاڤدێریا بارزانیێ نەمر و راسپاردێن جەنابێ سەرۆک مسعود بارزانی شورەشا گولانێ ل ۲٦گولانا سالا ۱۹۷٦ راگەهاند، کو هەر ل دەستپێکا ڤێ شورشی دەست ب چالاکیێن سیاسی و لەشکری هاتنە کرن ل دژی دوژمن و داگیرکەرێن کوردستانێ کوردستانێ و ئەڤ شورشە بوو ئومێدا گەلێ کوردستانێ لەوما ل هەمی چین و تەخان ل سەرانسەری کوردستانێ پەیوەندی ب شورەشێ کرن و ب سەدان داستانێن قەهرەمانیێ هاتنە تومارکرن مینا داستانێن خواکورک و کانیماسی و دێرەلوک ...هتد، شورشا گولانێ بەرسڤەک بوو بۆ داگیرکەر و وەلاتێن زلهێز و هەرێمی ژی کو گەلێ کوردستانێ دەستان ل خەبات و بەرخودانێ بەرنادەن چونکە باوەری ب دوزا خۆ یا رەوا هەیە و خۆدان مافن، ئەڤ شورشە بوو ئەگەر و پشتەڤان کو ل ژێر سەرپەرشتیا رێزدار جەنابێ سەرۆک بارزانی سەرۆکی وی دەمی یێ بەرەی کورستانێ کو گەلێ گوردستانێ ل بهارا ساڵا 1991سەرهەڵدانێ ل دژی رژێما بەعسا گوربگور بکەت و تەڤایا کوردستانێ رزگارببیت ب کەرکوکا دلێ کوردستانێ ژی ڤەو هەرێما کوردستانێ ئاڤاببیت ب دامەزراوێن خۆڤە وەکی حکومەت و پەرلەمانی کو سەرۆک بارزانی ئێکەم کەس بوو کو د ناڤ جەماوەرێ قەزایا کویێ بەحسی ئاڤاکرنا وان دامەزراوان ب رێکێن دیموکراسی و هەلبژارتنێ کری، یا دیار و بەرچاڤە کو سەرکەفتنا هەر گەلەکێ ل هەر تشتەکێ زێدەتر یا گرێدایە ب ئیرادا وێ ڤە کو شورشا گولانا پێشکەفتنخاز پشتی نسکویا شورشا ئەیلولێ دەربرین ل ئیرادا بهێز یا گەلێ کوردستانێ کر کو ئەڤ دەستکەفتێن نوکەژی بەرهەمێ وێ شورشێ نە، ل دوماهیێ دبێژین هزاران سلاڤ ل گیانێ پاکێ شەهیدێن شورشا گولانێ و تەڤایا شەهیدێن بزاڤا رزگاریخازا کوردستانێ سەروەرێ وان بارزانیێ نەمرو کاک ئیدریسێ هەردەم ساخ. ئەم هەواڵە 943جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad