2023-05-23 [09:14 AM]

فیلمی سینەمایی "Fast X" لە سینەماکانی میسر نمایشکرا و داهاتی بۆ میدیاکان ئاشکرا کرا.

بەرهەمهێنەرانی فیلمی سینەمایی"Fast X"، ئامانجیان بەدەستهێنانی 67 ملیۆن و 25 هەزار دۆلاری ئەمریکی بوو، لە یەکەم هەفتەی نمایشکردنی لە سینەماکانی ئەمریکای باکووردا.

ئەم بەرهەمە سینەماییە ماوەکەی دوو کاتژمێر و 21 خولەکە و داهاتی لە سینەماکانی میسر 347 هەزار دۆلاری ئەمریکییە.

ئەم بەرهەمە دەیەمین بەشی زنجیرە فیلمی سینەمایی "Fast and Furious"یە و لە یەکەم رۆژی پێشاندانی 28 ملیۆن دۆلاری بەدەستهێنا.

دوایین بەشی ئەم زنجیرە فیلمە بەناوی  "F9: The Fast Saga" بوو و لە 2021 بڵاوکرایەوە و داهاتی لە سینەماکانی جیهاندا لە یەکەم هەفتەی پێشاندانی 70 ملیۆن دۆلاری ئەمریکی بوو.

بەرهەمهێنەرانی بەشی نوێی ئەم بەرهەمە سینەماییە، ئامانجیانە لە یەکەم هەفتەی نمایشکردنی لە سینەماکانی جیهاندا 250 ملیۆن دۆلار بەدەست بێنن.