 |
|
|||
ZNA - هەولێر بەڕێوبەرایەتی پۆلیسی وزە رایگەیاند، بەقاچاخبردنی نزیکەی 3 ملیۆن لیتر نەوتیان پووچەڵ کردووەتەوە و زیاتر لە 160 تۆمەتباریشیان دەستگیر کردووە. ئەمڕۆ دووشەممە، بەڕێوبەرایەتی پۆلیسی وزەی عێراق رایگەیاند، ئۆپەراسیۆنێکی بەقاچاخبردنی نزیکەی 3 ملیۆن لیتر نەوتیان پووچەڵ کردووەتەوە و 161 تۆمەتباریان دەستگیرکردووە، هەروەها دەستیان بەسەر 97 تانکەر و ئۆتۆمبێلدا گرتووە کە لە ماوەی مانگی حوزەیراندا بۆ بە قاچاخبردنی نەوت بەکارهێنراون. بەڕێوەبەرایەتییەکە ئاماژەی بەوەشکردووە، مەفرەزەکانیان کە لە سەرتاسەری عێراقدا بڵاوبوونەتەوە، لە ماوەی مانگی حوزەیرانی ئەمساڵدا 253 هەڵمەت و پشکنینیان ئەنجامداوە، پارێزگارییان بۆ 169 کەشتی نەوتهەڵگر دەستەبەرکردووە، هەروەها دەستیان بەسەر نزیکەی 3 ملیۆن لیتر نەوتی قاچاخدا گرتووە. راشیگەیاند: ئۆپەراسیۆنەکان بە ڕێنمایی و بەدواداچوونی بەڕێوەبەری گشتی پۆلیسی وزە، جەنەڕاڵ زافەر نەزمی جەمال و ئەفسەر و کارمەندانی بەڕێوەبەرایەتییەکە ئەنجامدراون. ئەم هەواڵە 466جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad