 |
|
|||
ZNA - هەولێر ئەمڕۆ شەممە، میدیاکانی ئێران بڵاویانکردەوە، کە پۆلیسێک لەکاتی هێرشێکی چەکدارە نەناسراوەکان و خۆکوژەکان بۆ سەر بنکەیەکی پۆلیس لە ناوچەیەکی باشووری رۆژهەڵاتی ئێران کوژراوە. ئاژانسی هەواڵی "فارس"ی ئێران لە زاری شەمس ئابادی، داواکاری گشتیی شاری زاهیدان بڵاویکردەوە، "بەرەبەیانی ئەمڕۆ شەممە، 8ی تەمموزی 2023، ژمارەیەک چەکداری نەناسراو هێرشیان کردووەتە سەر بنکەیەکی پۆلیسی زاهیدان و پێکدادانەکەش هێشتا بەردەوامە". دەشڵێت: دوو لە هێرشبەرەکان پشتێنی تەقینەوەیان تەقاندووەتەوە لە هێرشەکەدا کە لە شاری زاهیدانی ناوەندی پارێزگای سیستان و بەلوچستان ئەنجامدراوە. ئاژانسه ئێرانییەکه ئاماژەی بەوەداوە، که دوو لەهێرشبەرەکان "پشتێنەی بۆمب رێژکراویان پێبووە، له کاتێکدا دەستپێشخەرییان کردووه بۆ تەقاندنەوەی خۆیان". پارێزگای سیستان و بەلوچستان دەکەوێتە باشووری رۆژهەڵاتی ئێران لەسەر سنووری نێوان پاکستان و ئەفغانستان و لە رووی رووبەری دووهەمین پارێزگای ئێرانە و پایتەختەکەی زاهیدانە.
ئەم هەواڵە 166جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad