ZNA-هەولێر
ئەمڕۆ چوارشەممە، كۆمسیۆنی باڵای سەربەخۆی هەڵبژاردنەكانی عێراق، دەرگای داواكاری بۆ كاركردن وەك فەرمانبەری دەنگدان رایگەیاند كە لە سبەی پێنجشەممەوە دەستپێدەكات . لە ڕاگەیەندراوێكی كۆمسیۆنەكەدا كە ئەمڕۆ بڵاوكراوەتەوە هاتووە :كۆمسیۆنی باڵای سەربەخۆی هەڵبژاردنەكان ،دەرگای داواكاری بۆ كاركردن وەك فەرمانبەری دەنگدان دەكاتەوە كە لە سبەی پێنجشەممە 27-7-2023 دەستپێدەكات . ڕاگەیەندراوەكەی كۆمسیۆن ئاماژەی بەوەشكردووە، داواكارییەكە لەڕێگەی ئەم لینكەی خوارەوە دەبێت https://pcemp.ihec.iq كۆمسیۆنی باڵای سەربەخۆی هەڵبژاردنەكانی عێراق روونیشیكردۆتەوە كە خۆ تۆماركردن لە ئەپڵیكەیشنەكەدا، سەرجەم فەرمانبەرانی وەزارەتەكان دەگرێتەوە، جگە لە هێزە ئەمنی و سەربازییەكان، هەروەها قوتابیانی زانكۆ و پەیمانگاكان دەگرێتەوە،بە مەرجێك كەمترین ئاستی خوێندن بۆ دەرچووان ،دەبێت بڕوانامەی دیبلۆمیان هەبێت.
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad