 |
|
|||
ZNA- هەولێر فەرماندەیی ناوەندیی ویلایەتە یەکگرتووەکانی ئەمریکا کە بە CENTCOM ناسراوە، ڕۆژی چوارشەممە ٤ی ئاب جێگیرکردنی فڕۆکەی جەنگی ئێف ٣٥ی لە ڕۆژهەڵاتی ناوەڕاست ڕاگەیاند. هەروەها هێزی ئاسمانی ناوەندیی ئەمریکا، ئەم شەڕکەرانە بۆ بەهێزکردنی دەوریە لە گەرووی هورمز لە ناوچەکەدا جێگیر کراون، سێنتکۆم لە هەژماری تایبەتی خۆی لە تۆڕی کۆمەڵایەتیی تویتەر وێنەی جێگیرکردنی فڕۆکەی جەنگی ئێف ٣٥ی لە ناوچەی ژێر بەرپرسیارێتی خۆی بڵاوکردەوە. هەروەها هێزی ئاسمانی ناوەندی ئەمریکا لە بەیاننامەیەکدا ڕایگەیاند: لە چوارچێوەی بەرنامەی پێش ڕاگەیەندراوی وەزارەتی بەرگری، فەوجێک لە فڕۆکە جەنگییەکانی ئێف-٣٥ "ئازەرخاش ٢"ی هێزی ئاسمانی ئەمریکا لە ناوچەی ژێر بەرپرسیارێتی سێنتکۆم جێگیر کراون. لە ڕاگەیەندراوەکەدا ئاماژە بەوەشکراوە، ئەم فڕۆکانه لە پاڵپشتیکردنی ئەرکەکانی هێزی ئاسمانی ناوەندی ئەمریکا لە بەرگریکردن لە بەرژەوەندییەکان و بەرەوپێشبردنی ئاسایشی ناوچەکە و پاراستنی ئازادی کەشتیوانی لە ناوچەکەدا هاوکار دەبن. هێزی ئاسمانی ناوەندی ئەمریکا لە سێنتکۆم ڕایگەیاند: بە هەماهەنگی لەگەڵ هاوپەیمانانی ناوچەکە و هاوبەشەکانمان و هێزی دەریایی ئەمریکا، فڕۆکە جەنگییەکانی ئێف ٣٥ ئێف ١٦ و ئای ١٠ لە ناوچەکە بۆ دەوریە و چاودێری گەرووی هورمز هاوکاری شەڕکەرانی دەکەن. ئەمریکا باس لەوە دەکات ئێران لە ماوەی دوو ساڵی ڕابردوودا نزیکەی ٢٠ کەشتی بازرگانیه بە ئاڵای نێودەوڵەتییەوە هەراسان کردووە، هێرشی کردووەتە سەر یان دەستی بەسەردا گرتووە. جەنەڕاڵ مایکل کوریلا فەرماندەی کۆمپانیای سێنتکۆم هەفتەی ڕابردوو ڕایگەیاند کە کۆمپانیای سێنتکۆم پابەندە بە بەرگریکردن لە ئازادی کەشتیوانی لە ناوچەی بەرپرسیارێتی خۆیدا کە هەندێک لە گرنگترین ڕێڕەوی ئاوی جیهان لەخۆدەگرێت. ئەم هەواڵە 193جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad