 |
|
|||
ZNA: هەولێر د.شاگوڵ کەمال، پزیشکی پسپۆڕی هەناوی باس لە نیشانەکانی جەڵتەی دڵ دەکات.
نیشانەکانی هەموو نەخۆشیەک بە پێی بەرگری جەستەی کەسەکە، تەمەن رەگەز و هۆکاری تر دەگۆڕێن و زۆر کات ئەم نیشانانە لە کاتی پشوو یان ئەنجامدانی چالاکی بە شێوەیەکی کتووپڕ دەردەکەوێت و پێویستە بە زووترین کات کەسەکە بگەیەنرێتە نزیکترین بنکەی پزیشکی چونکە دەبێتە هۆی مەترسی بۆ ژیانی، لە باوترین نیشانەکان ئەمانەن:
1- هەبوونی ئازارێکی زۆر توند لە ناوچەی ناوەڕاست یان نزیک لای چەپی سنگ بەجۆرێک بەشێوەی پەستانێکی زۆر قورس یان گوشینی ناوچەی سنگ کە هەنێک کات
بۆ چەن خولەکێکە و ئازارەکە دەڕوات و دێتەوە. 2-
هەندێک کات ئازارەکە بڵاودەبێتەوە بۆ ناوچەکانی پەلی سەرەوە و مل و پشت و شەویلگە و تەنانەت پشت و باڵەکان و شان. 3-
هەناسە توندی كه هەندێک کات لەگەڵ سنگ ئێشان یان پێش ئازارەکە دەبێت. 4-
ئارەقکردنەوەیەکی سارد. 5- هەستکردن بە ماندووبوون و شەکەتیەکی زۆر و سەرگێژ خواردن و هەندێک کات بوورانەوەش
. 6- هێڵنجدان و رشانەوە و ئازاری گەدە و سکچوون کە ئەم نیشانانە زیاتر لە رەگەزی مێ دەردەکەوێت بە بەراورد بە رەگەزی نێر. 7-
بەرزبوونەوەی لێدانەکانی دڵ. 8- لێڵبوونی بینایی و رەنگ زەردبوون. ئەم هەواڵە 97جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad