English | عربی | Kurdî دواهەواڵ
ڕاستەوخۆ  
 
رۆژی جیھانی لاوان پیرۆز بێت
2023-08-12 [12:37 PM]

نووسینی: دڵشاد یوونس هەرکی


دوای ئەوەی لەلایەن کۆنگرەی جیھانی وەزیرانی لاوانەوە پێشنیاری ئەوە کرا ڕۆژێک بۆ لاوانی جیھان دەستنیشان بکرێت، ڕێکخراوی نەتەوەیەکگرتووەکان بە بڕیاری 120/54 لە کانوونی یەکەمی ساڵی 1999 ڕۆژی (12)ی ئابی ھەموو ساڵێک وەک ڕۆژی جیھانی لاوان ناساند.

لاو کێیە؟

لاو ئەو توێژە چالاك و کارامە و نوێخوازەی کۆمەڵگاییە کە بەردەوام لە هزر و بیری پێشکەوتن و ئاڵوگۆڕ و نوێبوونەوە دایە، توێژێکی وەفادار و حەقبێژ و ئامانجخوازە و پابەندی بەڵێنەکانییەتی، ئارەزووی خوڵقاندن و دروستکردن و دەرکەوتنە، لەم روانگەیەوە پێویستە دەستپێکی لاو بناسین دوایی تواناکانی بخوێنینەوە و سوودیان لێ وەربگرین.

تایبەتمەندییەکانی قۆناغی لاوێتی بە توانا جەستەیی و فیزیکییەکانی لە توێژەکانی دیکەی کۆمەڵگا جیا دەکاتەوە، لاو هەمیشە خولیای هەلومەرجی باشتری ژیانە، بۆیە هەنگاوەکانیشی بەردەوام بۆ بەرەوپێشبردن و گۆڕانکارییە، هەر ئەمەشە وای کردووە کە خواستەکانی لاوان زیاتر بکات.

قۆناغی لاوێتی پیر‌‌ۆزترین و گرانبەهاترین قۆناغی ژیانە و لەم قۆناغەدا بەدیارکەوتن و سەرکەوتن و چەکەرەکردنی تاکێک بنیاد دەنرێت، سەرکەوتن و بەرەوپێشچوونی هەر وڵات و میللەتێک و کۆمەڵگایەك بەستراوەتەوە بە هێزی لاوی چالاکەوە کە چەندە ئەو لاوە دەتوانێت هێز و وزەی خۆی بۆ پێشخستن و سەرکەوتن وەگەڕ بخات، هەر وڵاتێکیش ڕێژەی دانیشتووانی لاوی زیاتربێت کاریگەری دەبێت لەسەر هێزی ئابووری و سیاسی و تەکنەلۆژی ئەم وڵاتە.

لێرەدا دەمەوێت بە قسەیەکی بان کیمۆن سکرتێری گشتی پێشووی نەتەوەیەکگرتوەکان کۆتایی بە بابەتەکەم بهێنم کە دەڵێت "لەچوارچێوەی ئەو قەیرانە ئابوورییه‌ی زۆرێک لە وڵاتانی جیھانی گرتۆتەوە پێویستە لاوان لە پرۆسەی دروستکردنی بڕیارداندا بەشداری پێ بکرێن، ئەگەر ھەلومەرجی گونجاو بۆ لاوان نەڕەخسێنرێت ئەوا توێژێکی ونبوو لە کۆمەڵگەدا بەرھەم دێنین".

 





ئەم هەواڵە 379جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad