 |
|
|||
ZNA - هەولێر جوکای ئەکبولوت، پەرلەمانتاری ئەڵمانی، دەسەڵاتدارانی تورکیای تۆمەتبارکرد بەوەی کە لە سەرەتای ئەم مانگەدا بۆ ماوەی چەند کاتژمێرێک لە کاتی چوونە ناو تورکیا، بەهۆی پۆستەکانی لە سۆشیال میدیا لە ساڵی 2019 دەستبەسەریان کردووە، ئاماژەی بەوەشکرد، بەردەوام دەبێت لە گەشتەکانی بۆ تورکیا و قسە لەسەر بۆچوونی خۆی لەسەر حکومەتەکەی دەکات. ئەکبولوت، ئەندامی پەرلەمانی فیدراڵی ئەڵمانیا، لە پارتی چەپی توندڕەو،رایگەیاند، لە 3ی ئاب لە فڕۆکەخانەی ئەنتالیا لەسەر بنەمای فەرمانی دەستگیرکردن کە لەلایەن داواکاری گشتی تورکیاوە دەرچووە، بەهۆی ئەوەی گوایە پڕوپاگەندەی تیرۆریستی بڵاوکردووەتەوە، دەستگیرکراوە. ئەکبولوت، کە هاووڵاتییەکی ئەڵمانی بە ڕەچەڵەک کوردە و لە دایکبووی تورکیایە، گوتی: دوای پەیوەندیکردن بە وەزارەتی دەرەوەی ئەڵمانیا، دەسەڵاتدارانی تورکیا ئازادیان کردووە، ئەکبولوت ڕەخنە لە حکومەتی تورکیا دەگرێت کە جەنگێکی دڕندانە دژی کورد لە ناوەوە و دەرەوەی سنوورەکانی ئەنجامداوە. ئەم هەواڵە 367جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad