 |
|
|||
ZNA- هەولێر هادی سه‌لامی، ئه‌ندامی لیژنه‌ی ده‌ستپاكی له په‌رله‌مانی عێراق رایگه‌یاند، لیژنه‌كه‌یان ئاماده‌كاری ده‌كات، بۆ ئه‌وه‌ی به‌هۆی دۆسیه‌ی گه‌نده‌ڵی لێپرسینه‌وه له‌گه‌ڵ هه‌ریه‌ك له وه‌زیرانی بازرگانی و په‌روه‌رده‌دا بكه‌ن و گوتیشی: وه‌زیری بازرگانی سه‌رپێچیی له دابه‌شكردنی به‌شه‌خۆراكی مانگانه و دابینكردنی خۆراكی سوپادا كردووه و بۆ ئه‌و مه‌به‌سته‌ش 70 واژوویان كۆكردووه‌ته‌وه. هه‌روه‌ها گوتی: هه‌وڵێكی دیكه‌ش بۆ لێپرسینه‌وه له‌گه‌ڵ وه‌زیری په‌روه‌رده له ئارادایه و دوای ئه‌ویش لێپرسینه‌وه له‌گه‌ڵ چه‌ند وه‌زیر و به‌رپرسێكی دیكه‌شدا ده‌كرێت. ئاماژه‌ی به‌وه‌شدا، چه‌ند پرسیارێكی ئاراسته‌ی ته‌یف سامی، وه‌زیری داراییش كردووه و به‌ڵگه‌ی گه‌نده‌ڵییان له‌سه‌ر ژماره‌یه‌ك به‌ڕێوه‌به‌ری گشتی و پارێزگاره‌كان كۆكردووه‌ته‌وه و پێشكه‌ش به سه‌رۆكی ئه‌نجومه‌نی وه‌زیرانیان كردووه و چاوڕێی هه‌نگاوی سه‌رۆك وه‌زیرانن بۆ لابردنی ئه‌و به‌رپرسانه. ئەم هەواڵە 343جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad