 |
|
|||
ZNA- هەولێر سەرۆکی ڕێکخراوی وزەی ئەتۆمی ئێران دەڵێت، بەرنامە ئەتۆمییەكەیان بە هێرشی سەربازی یاخود گەمارۆكان لەنێو ناچن. محەمەد ئیسلامی، سەرۆکی رێکخراوی وزەی ئەتۆمیی ئێران، رایگەیاند، گفتوگۆکانیان لەگەڵ ئاژانسی وزەی ئەتۆمی بەردەوامە و لەم دواییەشدا دۆسییەی یۆرانیۆمی زۆر پیتێنراو داخراوە و دەشڵێت، رەنگە لەمساڵدا كۆتایی بەو دەنگۆ سیاسییەكانە بھێنرێت كە سەبارەت بە بەرنامە ئەتۆمییەکەی ئێران دەكرێت. ئیسلامی، دووپاتی کردەوە، بەرنامەی ئەتۆمیی ئێران بە گەمارۆكان یان به هۆی هێرشیی سەربازی لەنێو ناچن و ھۆشدارییش بە ئیسرائیل دەدات لە ئەگەری هێرش بۆ سەر دامەزراوە ئەتۆمییەکانیان وڵامێکی یەکلاکەرەوە و وێرانکەریان دەبێت. سەرۆکی رێکخراوی وزەی ئەتۆمیی ئێران، ئەوەیشی خستەڕوو، بە پابەندبوونی ئەمریكا و لایەنەكان بە رێککەوتنی ئەتۆمی و ھەڵگرتنی سزاكان، ئێرانیش بە تەواوی پابەندی رێككەوتنەكە دەبێت. ئەم هەواڵە 79جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad