 |
|
|||
ZNA - هەولێر لە یاری لوتکەی هەفتەی چوارەمی خولی ئینگلتەرا، یانەی ئارسناڵ لە یاریگای ئیمارات میوانداری یانەی مانچستەر یونایتد کرد.
لە ئەنجامدا تۆپ هاوێژەکانی لەندەن توانیان یارییەکە بە سێ گۆڵ بەرامبەر بە گۆڵێک شکستی شەیتانە سوورەکان هێنا.
لە تایمی یەکەمدا، یاریزان ڕاشفۆرد توانی لە خولەکی 27 گۆڵێک بۆ مانچستەر یونایتد تۆماربکات، دوای تێپەڕبوونی تەنیا یەک خولەک مارتین ئۆدیگارد گۆڵی یەکسانی بۆ ئارسناڵ تۆمارکرد.
لە تایمی دووەم یارییەکە هەردوو یانە چەندین هێرشیان بردە سەر گۆڵی یەکتر، بەڵام بێ ئەنجام بوو تاکو خولەکی 89 ناوبژیوان لێدانێكی سزای بۆ ئارسناڵ هەژمارکرد بەڵام ڤار بڕیارەکەی هەڵوەشاندەوە و پاش چەند چرکەیەک گارناچۆ گۆڵی دووەمی یانەکەی تۆمارکرد بەڵام دووبارە ڤار رەتی کردوە، لە خولەکی شەشی زیادکراوی تایمی دوووەم دێکلان رایس گۆڵی دووەمی یانەی ئارسناڵی تۆمارکرد و لە خولەکی 11ی زیادکراو گابرییەڵ خیسۆس گۆڵی سێیەمی گەنەرزی تۆمارکرد.
بەم سەرکەوتنە ئارسناڵ خاوەنی 10 خاڵە و لە پلەی پێنجەمی ڕیزبەندیە و شەیتانە سوورەکان بە شەش خاڵ لە پلەی 11 دایە. ئەم هەواڵە 388جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad