English | عربی | Kurdî دواهەواڵ
ڕاستەوخۆ  
 
فێستیڤاڵی هه‌فته‌ی چالاكی كتێبخانه‌كانی سلێمانی بەڕێوەدەچێت
2023-09-02 [07:55 AM]

هەولێر – ZNA


به‌ چاودێری حه‌مه‌ی حه‌مه‌سه‌عید، وه‌زیری رۆشنبیری و لاوانی حكومه‌تی هه‌رێمی كوردستان، كتێبخانه‌ گشتییه‌كانی سلێمانی، فێستیڤاڵی هه‌فته‌ی چالاكی كتێبخانه‌ ده‌ستیپێكرد.

 

وه‌زیری رۆشنبیری و لاوان له‌ وتارێكدا وێڕای ده‌ستخۆشی بۆ رێكخستنی چالاكییه‌كه‌، رایگه‌یاند، وەزارەتی رۆشنبیری لەم کابینەیەدا گرنگی بە کتێب و کتێبخانەکان داوە، چەندین پێشانگە و پڕۆژەی خوێندنەوەی کتێبی لە شار و شارۆچکەکان ئەنجامداوە، بەشداری کارای لەکردنەوەی پێشانگاکانی نێودەڵەتی کتێب لە سلێمانی و هەولێر هەبووە و لە پێشانگەکانی وڵاتان بەشداربونە.

 

فێستیڤاڵه‌كه‌ ئه‌مڕۆ شه‌ممه‌ له‌ شاری سلێمانی ده‌ستیپێكرد و بڕیاره تا 7ـی ئەم مانگە بەردەوام بێت، تێیدا چه‌ندین چالاكی هونه‌ری و رۆشنبیری جۆراوجۆر پێشكه‌ش ده‌كرێن. له‌وانه‌: كردنه‌وه‌ی پێشەنگه‌كانی (كتێب، كاری ده‌ستی، فۆتۆگرافی، شێوه‌كاری منداڵان)، نمایشی فیلم، رێزلێنان له‌ خێزانی ئه‌و فه‌رمانبه‌رانه‌ی كۆچیی دواییان كردووه‌، خوێندنه‌وه‌ی شیعر، نمایشیكردنی چالاكییه‌كان، سازكردنی سیمینار و كۆڕی شیعر خوێندنه‌وه‌.

 

له‌ ده‌ستپێكی فێستیڤاڵه‌كه‌دا، حه‌مه‌ی حه‌مه‌سه‌عید، وتارێكی پێشكه‌ش كرد و تێیدا وێڕای به‌خێرهێنانی میوانه‌كان، وتی: پیرۆزبایی لە نووسەران و خوێنەران و کتێب دۆستان دەکەم، بەبۆنەی ئەم فێستیڤاڵە پڕچالاکییە هەمە رەنگەی رۆشنبیری‌، ئەدەبی ‌و هونەری.

 





ئەم هەواڵە 274جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad