|
 |
|
|||
ZNA- هەولێر ئێوارەی ڕۆژی چوارشەممە ١٣ئەیلوول، ئاژانسی هەواڵی فەرەنسی بڵاویکردەوە، لە دوای دەستپێکردنەوەی شەڕ و پێکدادانەکان لە کەمپی "عەین ئەلحیلوە"ی پەنابەرانی فەلەستینی لە لوبنان، ٦ کەس کوژراون. ئەم پێکدادانانە لە کاتێکدا دەستیان پێکردەوە کە گروپە فەلەستینیەکانی "فەتح" و "حەماس" هەوڵەکانیان بۆ گەیشتن بە ڕێککەوتنێک بۆ دامەزراندنی ئاگربەست لە کەمپی "عەین ئەلحیلوە" دەستپێکردووە. پەرەسەندنی ئاڵۆزییەکانی ئەم دواییەی کەمپی پەنابەرانی فەلەستینی لە نزیک سیدۆن بووە هۆی ئەوەی فەتح و حەماس نوێنەریان بە مەبەستی هیورکردنەوەی ڕەوانەی لوبنان بکەن. فەتح و حەماس لەسەر پێویستیی ئاگربەست لەم کەمپە پەنابەرانەی فەلەستینی یەک هەفتە دوای دەستپێکردنەوەی پێکدادانی خوێناوی ڕێککەوتن. شەڕ و پێکدادانەکانی نێوان گرووپی "فەتح"ی بزووتنەوەی ڕزگاریخوازی‌ی فەلەستین و گرووپە توندڕەوەکان لە ٧ی ئەیلول لە کەمپی عەین ئەلحیلوە کە دەکەوێتە پەراوێزی شاری سیدۆنی کەنار دەریا کە بە گەورەترین کەمپی پەنابەرانی فەلەستینی لە لوبنان دادەنرێت، دەستیپێکردەوە. ئەم هەواڵە 70جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad