English | عربی | Kurdî دواهەواڵ
ڕاستەوخۆ  
 
سامسۆنگ سەنتەری پەیوەندی فەرمی لە عێراق دەکاتەوە بۆ بەرزکردنەوەی ئەزموونی کڕیارەکان 
2023-09-18 [04:28 AM]

هه‌ولێر (zna)



 کۆمپانیای سامسۆنگ ئەلیکترۆنیکس لە ڕۆژهەڵاتی ناوەڕاست کۆمەڵێک نوێکاری و پێشکەوتنی بۆ بەشی خزمەتگوزاری کڕیارانی لە عێراق ڕاگەیاند، ئەمەش لە چوارچێوەی هەوڵە بەردەوامەکانی بۆ باشترکردنی ئەزموونی کڕیارەکانی و پێشکەشکردنی باشترین خزمەتگوزاری لە ناوچەکەدا.
سەنتەری پەیوەندی فەرمی دەوڵەمەند کراوە بە ستافی تایبەتمەندی عێراقی، کە ئامادەیە بۆ وەڵامدانەوەی هەموو پرسیارەکانی پەیوەست بە بەرهەمەکانی سامسۆنگ، چۆنیەتی کڕین لە فرۆشگای ئۆنلاین، وردەکاری گەرەنتی و پشتگیری بۆ هەموو کێشە تەکنیکیەکان. و پەیوەندییەکانی کڕیار بە وردبینی و پیشەیی مامەڵەیان لەگەڵ دەکرێت.
کڕیاران دەتوانن لە ڕێگەی ژمارە( 80010080 ) بێبەرامبەر پەیوەندی بە سەنتەری پەیوەندییەکانەوە بکەن، کە بە تایبەتی بۆ پێشکەشکردنی خزمەتگوزارییەکی نایاب بۆ کڕیارەکانمان لە عێراق دانراوە. سەنتەرەکە حەوت ڕۆژی هەفتە پەیوەندی و پرسیار وەردەگرێت، لە کاتژمێر 8:00 ی بەیانی تا 10:00 ی شەو، بە ئامانجی دابینکردنی پێداویستییەکانی کڕیاران لە هەموو کاتێکی ڕۆژدا.

لە چوارچێوەیەکی پەیوەندیداردا، بەرپرسی بەشی خزمەتگوزارییەکانی دوای فرۆشتن لە کۆمپانیای سامسۆنگ ئەلیکترۆنیکس لە ڕۆژهەڵاتی ناوەڕاست، بەڕێز موئەیەد قەواسمە، ڕایگەیاند: "ئێمە پابەندین بە پێشکەشکردنی ئەزموونێکی ناوازە بۆ کڕیارەکانمان لە عێراق، ئەمە جگە لە خستنەگەڕی هەموو پەیوەندییە ڕاستەوخۆ و دیجیتاڵییەکان. لەڕێگەی ئەم سەنتەرەوە هەوڵدەدەین بگەینە سەرجەم کڕیارە عێراقییەکان بۆ پێشکەشکردنی باشترین خزمەتگوزاری بە بەرزترین کوالێتی. هەروەها هەوڵدەدەین کارامەترین هێزی کاری عێراقی دابمەزرێنین بۆ بەشداریکردن لەم دەستکەوتە گرنگەدا، بەو پێیەی هەلی کار بۆ لێهاتووییە ناوخۆییەکان دەرەخسێت، و پەرەپێدانی لێهاتووییەکانیان بۆ دڵنیابوون لە پێشکەشکردنی خزمەتگوزاری ناوازە بۆ کڕیارەکانمان” .

پێویستە ئاماژە بەوە بکرێت کە سەنتەری خزمەتگوزاری سامسۆنگ بەردەستە و لە سەرانسەری عێراقدا بڵاوبووەتەوە بۆ سەرجەم کڕیاران، لەڕێگەی زیاتر لە 25 سەنتەری خزمەتگوزاری بۆ چاککردنەوەی مۆبایل و ئامێرەکانی ناوماڵ لە سامسۆنگەوە.





ئەم هەواڵە 664جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad