2023-09-18 [06:16 AM]

بەهۆی بەرزبوونی پلەكانی گەرما خواست لەسەر كارەبا زۆر دەبێت و كێشەی زۆریشی بۆ هاووڵاتییان دروست دەكرد، بەڵام ئێستا بەهۆی دابەزینی پلەكانی گەرما خواست لە سەر کارەبایی نیشتیمانی کەم بۆتەوە و کاتژمێرەکانی پێدانی کارەبا زیادی کردووە.

 ئومێد ئەحمەد، وتەبێژى وەزارەتى کارەبای ھەرێمی کوردستان، بە ئاژانسی ھەواڵی زاگرۆسی راگەیاند: کاتژمێرەکانی پێدانی کارەبایی نیشتیمانی زیادی کردووە، لە وەرزی پایزدا رۆژانە ١٧ کاتژمێر كارەبای نیشتمانی بە هاووڵاتییان دەدرێت، خواست لەسەر کارەبایی نیشتیمانی ئێستا گەیشتۆتە چوار ھەزار مێگاوات کارەبا، لە کاتێکدا تێکرایی بەرھەمی ئێمە سێ ھەزار و ٥٠٠ مێگاواتە و ھندێک کاتیش زیاتر دەبێت.

ھەروەھا ئومێد ئەحمەد، وتەبێژى وەزارەتى کارەبای ھەرێمی کوردستان ئەوەشی بۆ ئاژانسی ھەواڵی زاگرۆس خستەروو، کە بەهۆی نزمبوونەوەی پلەكانی گەرما و كەمبوونەوەی خواست لەسەر كارەبا، لۆدی سەر كارەبای نیشتیمانی كەم بووەتەوە، وێستەگەكانی كارەبا بەشێوەیەكی باشتر كارەبا بەرهەم دێنن.

رێباز یونس