 |
|
|||
ZNA-ھەولێر لە هەولێر هێزەکانی ئاسایش سێ تۆمەتباری مەترسیداریان دەستگیرکرد کە پێشینەی تاوانیان هەیە و کاری کڕین و فرۆشتن بەماددەی هۆشبەریشەوە دەکەن.لە راگەیەندراوێکدا بەڕێوەبەرایەتبی نەهێشتنی ماددەهۆشبەرەکان لە ئەنجوومەنی ئاسایشی هەرێمی کوردستان بڵاوی كردەوە: "رۆژی 19ی9ی2023، دوای وەرگرتنی فەرمانی دادوەری ئاساییش لەسەر تۆڕێکی بازرگانیکردن بەماددەی هۆشبەر، تیمێکی بەڕێوەبەرایەتیمان بەهاوکاری بەڕێوەبەرایەتی ئاسایشی هەولێر و کەرکووک توانیان سێ تۆمەتباری مەترسیدار لەشاری هەولێر دەستگیر بکەن."ئاماژە بەوەش دراوە: "ئەو تۆمەتبارانە پێشینەی تاوانیان هەیە و کاری کڕین و فرۆشتن بەماددەی هۆشبەریشەوە دەکەن."روونیشکراوەتەوە: "بڕی یەک کیلۆگرام مادەی هۆشبەر لەجۆرەکانی کریستاڵ و تریاک و جامایکا لەگەڵ بڕێک پارەی ساختە و ژمارەی ئۆتۆمۆبیلی ساختە لەگەڵ روومانەیەک و چەند چەکێکی جۆراوجۆر)دەستی بەسەردا گیرا."جەختیشکراوەتەوە كە تۆمەتباران پەڕاوی لێکۆڵینەوەیان بۆ کرایەوە و رووبەڕووی یاسا دەکرێنەوە.ئەم هەواڵە 145جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad