English | عربی | Kurdî دواهەواڵ
ڕاستەوخۆ  
 
لیژنه‌ی ئه‌منیی نێوان عێراق و ئێران: باره‌گاكانی ئۆپۆزسیۆنی ئێران له‌سه‌ر سنوور به‌یه‌كجاری چۆڵكراون
2023-09-19 [04:20 AM]

ZNA- هه‌ولێر


لیژنه‌ی باڵای جێبه‌جێكردنی رێككه‌وتنی ئه‌منیی نێوان عێراق و ئێران رایگه‌یاند، باره‌گاكانی ئۆپۆزسیۆنی ئێران له‌سه‌ر سنوور به‌یه‌كجاری چۆڵكراون.

له‌ به‌یاننامه‌یه‌كدا، لیژنه‌ی ناوبراو ئاشكرایكرد، بە پشتبەستن بە پابەندبوونی هه‌ریه‌ك له‌ عێراق و ئێران بە خاڵه‌كانی ناو رێککەوتنی ئەمنی و لە رێگەی هەوڵە هاوبەشەکانی حکومەتی فیدراڵی و حکومەتی هەرێم و لیژنەی باڵای هاوبەشی نێوان هەردوو وڵات، هه‌موو ئه‌و باره‌گایانه‌ی ئۆپۆزسیۆنی كۆماری ئیسلامی ئێران به‌یه‌كجاری چۆڵكراون، كه‌ ده‌كه‌ونه‌ نزیك سنووری نێوان هه‌ردوو وڵات.

ئاماژه‌ی به‌وه‌شدا، ئه‌و هێزانه‌ی ئۆپۆزسیۆن كه‌ پێشتر له‌و باره‌گایانه‌ جێگیربوون، گوازراونه‌ته‌وه‌ بۆ شێوێنێكی دوور له‌ سنوور و له‌ چه‌كه‌كانیشیان داماڵراون، بۆ ئه‌وه‌ی وه‌ك په‌نابه‌ر بمێننه‌وه‌ و له‌ شوێنی ئه‌وان هێزه‌كانی پاسه‌وانی سنوور له‌و خاڵانه‌ جێگیركراون.

به‌یاننامه‌كه‌ باسی ئه‌وه‌شی كردووه‌، نوێنەری ئەمینداری گشتی نەتەوە یەکگرتووەکان ئامادەی کۆبوونەوەكانی لیژنه‌كه‌‌ بوو، کە لە هەولێر و بەغدا بەڕێوەچوون و پاڵپشتی تەواوی بۆ حکومەتی عێراق لە جێبەجێکردنی بڕگەکانی رێککەوتنەکە دەربڕی، لەگەڵ مامەڵەکردن لەگەڵ ئەو گروپانە بەو مه‌رجه‌ی پێگەیه‌كی مەدەنییان هەبێت.

ئاسایشی سنوور یەکێکە لەو پرسانەی کە ئێران زۆرترین پێداگری لەسەر دەکاتەوە، بەتایبەتی لەو ناوچانەی پێشتر بۆردومانی کردووە.

رۆژی 19ـی ئاداری 2023، عێراق و ئێران له‌میانه‌ی سه‌ردانی عەلی شەمخانی سکرتێری ئەوکاتی ئەنجوومەنی ئاسایشی نیشتمانیی ئێران و قاسم ئەعرەجی راوێژکاری ئاسایشی نیشتمانیی عێراق، کۆنووسێکی ئەمنیی هاوبەشیان واژۆكرد، كه‌ تایبه‌ت بوو به‌ هه‌ماهه‌نگی لە رووی پاراستنی سنووری نێوان هەردوو وڵات.

 





ئەم هەواڵە 268جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad