2023-09-28 [06:41 AM]

ڕێزدار نێچیرڤان بارزانی سەروکێ هەرێما کوردستانێ ئەڤرو سپێدێ لسەر بانگهێشتا سەرکردایەتیا ئێکەتیێ پشکداری د کونگرێ ئێکەتی نیشتیمانی کوردستان دا کر، مینا هەر جار ب ڕویەک گەش و خوش ب گرنژین دەست ب وتاراخو کر، دەسپێکێ هێڤی خاست کونگرێ پێنجێ یێ ئێکەتی یێ سەرکەفتی بیت هەروەسا پیروزباهی ل ئەندام و لایەنگرێن وێ پارتێ کر، پاشان داخاز ل ئەندامێن کونگرێ کر و هێڤی خاست ئەڤ کونگرە ببیتە ئەگەرێ پاراستن و ئێکرێزیا ناڤ مالا کوردی، پاشان داخاز ژوان کر کو ئەڤ پارتە بزڤرنە سەر رێیا هەمان جاران ڕێیا مام جەلال رەحمەتی دامەزرێنەرێ ڤێ پارتێ و گوت چەوا رەحمەتی دگەل جەنابێ سەروک مەسعود بارزانی وەک برا شیان خزمەتا گەل و وەلاتی بکەن هوین ژی ب هەمان روحیەت کار بکەن، دیسان بخێرهاتنا مێهڤانێن کونگرێ کر کو لسەر ئاستێ عیراقێ و هەرێما کوردستانێ بەشداری ڕێ و ڕەسمێن دەسپێکرنا کونگرێ ئێکەتیێ بوین، دیسان بەحس ژ ڕولێ ئێکەتیێ و پارتی دیموکراتی کوردستان کر کو شیاینە ل دەمێ بەرەیێ کوردستانێ هەتا ئەڤرو شیاینە ب هەماهەنگی دەستکەفتێن مللەتێ کورد بپارێزن، پاشان گوت سەرەرای هەبونا بیر و باوەرێن جیاواز و ب کارەک ئاسایی دانا لێ گوت نابیت تێکچونا پەیوەندیا کارتێکرنێ ل هەرێما کوردستانێ بکەت، دیسان گوت پارتی و ئێکەتیێ مێژویەک پری سەروەری هەیە بو ئازادیا خەلکێ هەرێما کوردستانێ کو بو جهێ شانازیێ لسەر ئاستێ هەرێما کوردستانێ و عیراقێ و لدەف وەلاتێن جیهانێ ژی بها و سەنگێ خو هەبویە، دیسان داخاز کر کو دڤێن هەمی لایەنێن سیاسی پشتەڤانێن هەڤدوبن کو هەلبژارتنێن شوباتا سالا داهاتی یا سەرکەفتی و ئازاد بهێنە ئەنجامدان، دیسان گوت ئێکەتی دگەل پارتی شیاینە خزمەتەک باش ل حکومەتا هەرێمێدا پێشکێشی خەلکێ کوردستانێ بکەن، دیسان ئاماژە ب وێ چەندێ ژی دا کو دێ هەمی هەولا دەین دگەل حکومەتا عیراقێ هەماهەنگ بین و پەیوەندیێن مە بەرەف باشتر بچن و دێ هەولا چارەسەرکرنا کێشەیێن هەلاویستی دەین، من دڤێت دڤێ پەیاما خودا بێژم چونا سەروکێ مە یێ خوشتڤی بو کونگرێ ئێکەتیێ نیشانا دلسوزی و وەفاداریا جەنابێ وی بویە بو پێشڤەچونا ئاستێ هەرێما کوردستانێ و چارەسەرکرنا کێشەیێن هەلاویستی و ب ئانەهیا خودایێ مەزن دێ ئەنجامێن باش هەبن.