 |
|
|||
ZNA - هەولێر لە یارییەکانی گەڕی دووەمی قۆناغی کۆمەڵەکانی چامپیۆنزلیگ، یانەی ئەتلەتیکۆ مەدریدی ئیسپانی لە یاریگای خۆی میوانداری یانەی فاینۆردی هۆڵەندی کرد.
لە ئەنجامدا ئەتلەتیکۆ توانی یارییەکە بە سێ گۆڵ بەرامبەر بە دوو گۆڵ شکست بە فاینۆرد بهێنێت.
تایمی یەکەم بە هێرشبردن دەستی پێکرد و یانەی میوان لە خولەکی 7دا گۆڵێکی لەڕێگەی هێرمێسۆ بەهەڵە لە خۆیان تۆمارکرد، بەڵام وەڵامی ئەتلەتیکۆ تەنیا پێنج خولەکی ویست و ئەلڤارۆ مۆراتا گۆڵی یەکسان بوونی تۆمارکرد، یاریزان هانکۆ لە خولەکی 34 یانەی فاینۆردی کردە خاوەن دوو گۆڵ، لە خولەکی سێی زیادکراوی تایمی یەکەم گریزمانی فەرەنسی گۆڵی یەکسان بوونی ئەتلەتیکۆی تۆمارکردەوە و ئەو تایمە بە یەکسانی کۆتاییهات.
لە تایمی دووەمدا، ئەلڤارۆ مۆراتا لە خولەکی 47 دووەم گۆڵی خۆی و سێیەم یانەکەی تۆمارکرد و سێ خاڵی بۆ یانەکەی بەدەستهێنا.
بەم سەرکەوتنە، یانەی ئەتلەتیکۆ مەدرید بە کۆکردنەوەی چوار خاڵ لە پێشەنگی کۆمەڵەکەیەتی و فاینۆردیش لە پلەی دووەمە و سێ خاڵی هەیە. ئەم هەواڵە 361جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad