2023-10-08 [05:34 AM]

ئەمڕۆ بانکی ناوەندیی عێراق بەراورد بە رۆژانی پێشوو فرۆشتنی دۆلاری نەختی زیاتر کرد، بەڵام بەهای دینار بەرامبەر دۆلار هەر لە دابەزینە و  100 دۆلار بە 159 هەزار دینار مامەڵەی پێوەدەکرێت.

ئه‌مڕۆ دوای پشووەکانی هەفتە، بانکی ناوەندیی عێراق 195 ملیۆن و 502 هەزار و 595 دۆلاری فرۆشت؛ لەو بڕە 39 ملیۆن و 40 هەزار دۆلاری بە نەخت بوو و ئەوی دیکەی بە حەواڵە بوو.

لەکاتی کردنەوەی بازاڕدا 100 دۆلار بە 157 هەزار و 750 دینار مامەڵەی پێوەدەکرا، بەڵام دواتر بەرزبووەوە و ئێستا 100 دۆلار بە 159 هەزار دینار مامەڵەی پێوەدەکرێت".

هاوکات، لە بازاڕی دۆلارەکەی سلێمانی 100 دۆلار بە 159 هەزار دینار مامەڵەی پێوەدەکرێت.

بانکی ناوەندیی عێراق رۆژانە 100 دۆلار بە 132 هەزار دینار دەفرۆشێت، بەڵام نەیتوانیوە بەهای دینار لە بازاڕەکاندا بەرامبەر دۆلار جێگیر بکات.