2023-10-10 [10:55 AM]

محەممەد شیاع سوودانی، سەرۆکوەزیرانی عێراق و تەمیم بن حەمەد ئال سانی میری قەتەر، جەختیان لە سەر ڕاگرتنی شەڕی غەززە کرد.
نووسینگەی ڕاگەیاندنی سەرۆکوەزیرانی عێراق، لە ڕاگەیەندراوێکدا ئاشکرایکرد، "محەممەد شیاع سوودانی، سەرۆکوەزیرانی عێراق، لە پەیوەندییەکی تەلەفۆنیدا، لەگەڵ میری قەتەر، شێخ تەمیم بن حەمەد ئال سانی، دۆخی مەترسیداری فەڵەستینیان تاوتوێ کرد".
ئاماژەی بەوەشکرد: پێویستە ئۆپەراسیۆنەکان و بۆردومانکردن بۆ سەر غەززە بوەستێت، هەروەها هەردوولا جەختیان لەسەر پێویستی هەوڵی زیاتری ناوچەیی و نێودەوڵەتی کردەوە، بۆ ناچارکردنی هێزەکان، بۆ ڕێزگرتن لە یاسا و ڕێکەوتننامە نێودەوڵەتییەکان.
دەشڵێت: ڕاگرتنی سیاسەتە شەڕانگێزەکان دژی گەلی فەڵەستین و بەردەوامی پێشێلکاریی پیرۆزییەکان و هەنگاوی بەپەلەی نێودەوڵەتی"، بە مەبەستی گەیشتن بە دادپەروەری.