 |
|
|||
ZNA -هه‌ولێر سەرۆکوەزیرانی عێراق لەبارەی مووچەی مووچەخۆرانی هەرێمی کوردستان دەڵێت، بەو شێوەیە بەردەوام دەبن کە رێککەوتنی لەسەر کراوە.ئەمڕۆ سێشەممە، 24-10-2023، محەممەد شیاع سوودانی، سەرۆکوەزیرانی عێراق لە کۆنفرانسێکی رۆژنامەڤانییدا، لەبارەی ناردنی پارە بۆ هەولێر بۆ ئەوەی حکومەتی هەرێمی کوردستان مووچەی مووچەخۆران دابەشبکات، رایگەیاند، بەو شێوەیە بەردەوام دەبن کە رێککەوتنی لەسەر کراوە و لە مانگی 12ـی ئەم ساڵیشدا پاکتاوی دارایی دەکرێت بۆ ئەوەی بزانرێت چەند پارەیان بۆ هەرێمی کوردستان ناردووە و شایستەی هەرێمی کوردستان چەندە.لەبارەی هەناردەکرنەوەی نەوتی هەرێمی کوردستان، سەرۆکوەزیرانی عێراق رایگەیاند، عێراق و تورکیا ئامادەباشیی خۆیان دەربڕیوە و ئامادەن بۆ هەناردەکردنەوەی نەوت، بەڵام "کێشەی کۆمپانیاکان هەیە؛ ئەو کۆمپانیایانەی گرێبەستیان لەگەڵ هەرێمی کوردستان هەیە و دوای چارەسەرکردنی کێشەکان بە 30 رۆژ، هەناردەکردنەوەی نەوت دەستپێدەکاتەوە".ئەم هەواڵە 277جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad